Ikipe y'igihugu Amavubi yerekeje mu Karere ka Huye ahazabera umukino izakiramo Zimbabwe kuri uyu wa Gatatu tariki 15 Ugushyingo 2023.
Mu
gitondo cyo kuri uyu wa Mbere tariki 13 Ugushyingo, nibwo ikipe y'igihugu Amavubi
yerekeje mu Karere ka Huye mu gukomeza kwitegura imikino
y'amajonjora yo gushaka itike y'igikombe cy'Isi cya 2026.
Ku
wa Gatatu w'iki cyumweru u Rwanda ruzakira Zimbabwe kuri sitade mpuzamahanga
y'Akarere ka Huye mu mukino uzatangira ku isaha ya saa 15:00 PM za Kigali.
Tariki 21 kandi, u Rwanda ruzakira ikipe y'igihugu ya Afurika y'Epfo nabwo muri
iyi mikino.
Amavubi
yari amaze Icyumweru yitoreza mu mujyi wa Kigali kuri sitade ya Kigali Pele
Stadium aho batangiye imyitozo ikorwa n'abakinnyi b'imbere mu gihugu gusa.
Amavubi
biteganyijwe ko aribucumbike muri Hotel ya Mater Boni Consilii iherereye mu
mujyi wa Huye, naho Zimbabwe bazacakirana, ikazaba muri Hotel Credo nayo iri
muri uyu mujyi.
Ntwari Fiacre byitezweko ariwe uzabanza mu izamu, ni umwe mu bakinnyi bakina hanze y'u Rwanda bahageze mbere
Sibomana Patrick ukinira Gormahia yo muri Kenya, ni umwe mu bakinnyi bitezwe kuri uyu mukino
Inyogosha ya Alain Kwitonda yakanze abatari bake
Mitima Isaac ni ku nshuro ya kabiri ari gutanga imbaraga mu ikipe y'igihugu nkuru
Amavubi yari amaze iminsi akorera imyitozo kuri Pele
TANGA IGITECYEREZO