Umuramyi Nyinawumuntu Grace yakebuye urubyiruko rwirengagije Imana

Mu kiganiro na InyaRwanda.com , uyu  muramyi yatangaje ko umwanzuro wo kwiyegurira Imana ugora benshi byagera ku basore bikaba akarusho.

Ati “ Gukorera Imana muri rusange ntabwo ari ibintu byoroshye ariko byagera mu basore bikarushaho gusa  biba byiza cyane kuyikorera ugifite imbaraga”.

Yavuze ko imbaraga za gisore zidakwiye guteshwa agaciro kandi zakora iby’ubutwari.Ati “ Uba ugifite umwanya uhagije n’imbaraga zo kwitanga wese nk'uko ubyifuza kuko uba utaragira ibigutangira byinshi. Gukorera Imana ni igihe cyiza cyo kwiga no kwitoza ibizagufasha mu bihe biri imbere, ukirinda ibirangaza ukagirana umubano uhambaye n’Imana yawe''.

Yatangaje ko bamwe bibaza ahaturuka imbaraza zibashisha umuntu gufata umwanzuro wo gukorera Imana.

Yavuze ko ntazindi imbaraga ahubwo ko ari ubuntu bw’Imana bukubashisha iyo wayitabaje.Yasabye abakiri bato n’abakuze kwemera ko ntacyo bashoboye, ahubwo  bagasaba Imana kubagenga mu myanzuro yabo n’intego biha.

Nyinawumuntu  ni umwe mu rubyiruko rwagize amahirwe yo gukizwa no kuba munzu y’Imana, yatangaje ko n’abakurambere barimo intwari Pawulo bahuraga n’intege nke ariko bagarukira Imana ikabashoboza gukora imirimo ikwiye.

Yagize ati “ Nk'uko pawulo yabivuze ngo ngerageza gukora ibyiza ibibi bikantanga imbere, bibaho cyane ko umuntu yifuza kwegera Imana ariko akumva ari kure cyane. Inama nziza ni ugukomeza gusenga no kuyishakana umutima wose nk'uko yasezeranije abana bayo kuyibona igihe cyose bayishakane umwete.

Umuramyi Grace umaze iminsi ashyize hanze indirimbo yitwa “Mu Kivunge” yibukije urubyiruko  ko rukeneye Imana ko basabwa gutera umugongo ibitagira umumaro bakayisunga   kuko ishoboye byose kandi izabaha ibyo bayisaba nibayizera.

Nyinawumuntu Grace yibukije urubyiruko ko bakwiye gukorera Imana bagifite imbaraga

KANDA HANO UREBE INDIRIMBO "MUKIVUNGE" YA NYINAWUMUNTU GRACE UMURAMYI

">