Manchester United yahagaritse Anthony Santos mu myitozo

Mu gihe abakinnyi batandukanye bari mu makipe yabo y'ibihugu, aba Manchester United batagiye gufasha ibihugu byabo biteganyijwe ko baza gusubukura imyitozo kuri uyu wa Mbere.

Anthony Santos ikina anyuze ku ruhande rw'ibiryo ariko akinisha imoso nawe ntabwo ari mu ikipe y'igihugu ya Brazil gusa ntabwo yemewe gukorana imyitozo na bagenzi be. Yakuwe mu ikipe y'igihugu ashinjwa kuba yaranshatse gusambanya ku gahato umukunzi we Gabriela Cavallin.

Mu itangazo Manchester United yashyize ahagaragara kuri iki cyumweru ryavugaga ko nubwo Manchester United izakorana imyitozo n'abakinnyi batari mu makipe yabo y'ibihugu, Anthony Santos we nta myitozo azakora kugeza ibye bisobanutse. 

Kuva uyu mikinnyi yashinjwa icyo cyaha, Manchester United yahise itangaza ko igiye gukora iperereza ku giti cyayo ku byaha bishinjwa umukinnyi wayo.

Si ubwa Mbere Manchester United ihuye n'iki kibazo. Iyo yinjiye mu iperereza nk'uko yabitangaje irikora nta marangamutima yo kuvuga ngo irabererekera umukinnyi wayo.

Ibi bibaye nta kwezi  guciyemo Manchester United itandukanye na Rutahizamu Mason Greenwood watijwe muri Getafe.

Mason Greenwood ubwo nawe yashinjwaga icyaha gisa niki cya Anthony, urukiko rwageze aho rumuhanaguraho ibyaha ashinjwa rumugira umwere. Nyuma Manchester United yahisemo gukora iperereza ku giti cyayo ubwo byarangiye Rutahizamu Greenwood atijwe muri Getafe.

Ahanini iyo abakinnyi bashijwa ibyaha nk'ibi, binabakoma mu nkokora ku hazaza habo. Mason Greenwood yamaze imyanya ibiri adakina akurikiranyweho ibyo byaha, Benjamin Mendy nawe byamubayeho. Ubu haribazwa niba Anthony Santos w'imyaka 23 y'amavuko nawe urugendo rwe rutagiye kuzamo imisozi izamuka.

Manchester United yinjiye mu iperereza ku mikinnyi wayo Anthony Santos ushinjwa guhohotera umukunzi we Gabriela Cavallin