Ijambo rya nyuma Nyiramana yabwiye umubyeyi we mbere yo kwitaba Imana

Umubyeyi wa Nyakubyara Chantal wamenyekanye nka Nyiramana muri filime ya Seburikoko,witabye Imana azize uburwayi,yarwajwe n’umubyeyi we kugeza ku mwuka we wa nyuma,ndetse agira amagambo amubwira ya nyuma.

Ubwo nyina wa Nyiramana yari amurwaje mu masaha ya nijoro,Nyiramana yahamagaye nyina avuga ati “ Maaa byuka unsengere”.Nyina yarabyutse arasenga yiragiza Imana,asaba ko yabarinda bakava mu bitaro amahoro,asoje gusenga umwana we Nyiramana aramubwira ati “Urakoze”.

Uretse kuba yarasabye nyina kumusengera no kumuragiza Imana,niyo yajyaga gukina filime mu minsi ye ya mbere yo gufatwa n’uburwayi,yasabaga ko bamusengera nk'uko mugenzi we bakinanaga Siperansiya yabitangaje.

Nyina wa Nyiramana yatangaje ko umwana we atigeze amurushya kandi ko yasinziriye mu mahoro,ndetse ko atazigera amwibagirwa,kuko yamuruhanye kuva mu bwana kugeza akuze.

Nyuma yo kumusabira no kumuragiza Imana,Nyiramana yahise ashiramo umwuka,ndetse asinzirira  mu kwizera.Nyina umubyara yashimiye Imana yamumuhaye ikaba inamwisubije.

Nyiramana yabwiye nyina ati "Maaa byuka unsengere" iri jambo rya nyuma yabwiye nyina ryasize ibyiringiro mu mitima ya benshi