FC Barcelona nyuma yo gutwara Kapiteni wa Man City Ilkay Gundogan, ntiranyurwa kuko irashaka Bernardo Silva na Joao Cancelo. Real Madrid yo irashaka Dusan Vlahovic wari mu mipango yo guhabwa Chelsea ikagabanya amafaranga isaba kuri Romelu Lukaku.
Mundo Deportivo yavuze ko Barcelona yifuza abakinnyi babiri ba Manchester City. Abo ni myugaruro Joao Cancelo na Bernardo Silva ukina mu Kibuga hagati. Mu gihe Barcelona yaba ibonye aba bakinnyi, baba biyongereye kuri Ilkay Gundogan wavuye muri Manchester City. Aba bakinnyi baza kuziba icyuho cya kabuhariwe Ousmane Dembele uzajya muri Paris Saint-Germain.
Daily Mail na Fabrizio Romano bagarutse kuri West Ham United bavuga ko akazi k'umutoza David Moyes kari mu kaga mu gihe ataratangira kugura abakinnyi kandi andi makipe ageze kure yiyubaka. West Ham United irashaka umunya Mexico w'imyaka 25 y'amavuko Edson Alvarez ukinira Ajax.
Sport yandikira muri Espagne, yavuze ko Manchester United yifuza umufaransa ukinira Real Madrid w'imyaka 23 y'amavuko, Aulerien Tchouameni. Uyu mukinnyi kandi arifuzwa na FC Bayern Munich yo mu Budage.
Manchester Evining News zavuze ko Umunya Morocco ukinira Fiolentina mu kibuga hagati Sofian Amrabat ngo yasize ikipe ye mu mikino ya Pre Season. Uyu mukinnyi nawe ari mubashakishwa cyane na Eric Ten Hag utoza Manchester United.
Vadenaser yo muri Espagne yavuze ko Real Madrid ishobora kwitambika Chelsea na Juventus mu gihe yaba ibuze umufaransa Kylian Mbappe. Madrid ngo yahita igura Umunya Serbia Disan Vlahovic. Uyu mukinnyi Juventus ishaka kumuha Chelsea ikabongera amafaranga kugira ngo yegukane Rutahizamu ukomoka mu Bubiligi Romelu Lukaku.
The Goal yavuze ko umubirigi ukinira Southampton mu kibuga hagati Romeo Lavia yisabiye ubuyobozi bw'ikipe kuba batangira gushaka umusimbura we. Ibi byabaye nyuma y'uko Liverpool yatanze Bid ya Gatatu kuri ubu uyu mukinnyi w'imyaka 19 y'amavuko.
Standard yavuze ko Chelsea yahinduye ibitekerezo nyuma yo gucibwa akayabo ku munya Ecuador ukina mu kibuga hagati Moises Caisedo. Ubu Chelsea irashaka umunya Argentina w'imyaka 29 y'amavuko Leandro Parades wa Paris Saint-Germain.
RMC Sports yanditse ko Montpellier yateye utwatsi Bid ya Chelsea ku mwana ukiri muto w'imyaka 20 y'amavuko Elye Wahi. Wahi akomoka mu Bufaransa.
Sky Sports yanditse ko Tottenham Hotspurs ikomeje gushaka umuhorandi Micky Van De Ven ukinira Wolfsburg. Tottenham Hotspurs yiteguye gutanga miliyoni 40€, zizazamuka zikaba 50 ukurikije uko Micky Van De Ven yajya yitwara muri Tottenham.
Football insider yagarutse kuri Tottenham Hotspurs ivuga ko nimara kubona Micky Van De Ven, izahita ishakisha Umunya Burkina Faso ukina mu mutima wa Defanse muri Bayer Leverkusen Edmond Tapsoba. Tapsoba w'imyaka 24 y'amavuko Tottenham ishaka kumutangaho miliyoni 50 z'amayero.
Athltic yavuze ko Manchester City igiye gutangira ibiganiro na myugaruro Kyle Walker kugira ngo abe yakongera amasezerano muri the Citizens. Walker w'imyaka 33 y'amavuko yifuzwa na Bayern Munich.
Tuttomercato yandikira mu Butaliyani yavuze ko Brighton and Hove Alibions ishaka umunya Albania ukinira Inter Milan, Keistjan Asllani. Umutoza Roberto De Zerbi avuga ko uyu munya Albania w'imyaka 21 y'amavuko ari umukinnyi mwiza wo gufasha ikipe.
Football Italian yavuze ko Inter Milan nyuma yo gutandukana na Andre Onana, iritegura gusinyisha Yann Sommer wa Bayern Munich. Sommer w'imyaka 34 y'amavuko biteganyijwe ko yasinya imyaka ibiri muri Inter Milan.
Athltic yavuze ko Barcelona yiteguye kwakira miliyoni 10€ ku mukinnyi ukomoka muri Leta Zunze Ubumwe za America, Sergino Dest. Sergino Dest afite imyaka 22 y'amavuko.
Manchester United irifuza umufaransa ukina mu kibuga hagati Aulerien Tchouameni
Sofian Amrabat nawe akomeje kwifuzwa na Manchester United
FC Barcelona ikomeje kwifuza abakinnyi ba Manchester City
Eng
RSS 
TANGA IGITECYEREZO