Barack Obama n’umufasha we bashenguwe n'urupfu rw'umutetsi wabo wazize impanuka

Ku wa mbere, uwahoze ari perezida wa Leta Zunze Ubumwe z’Amerika w'imyaka 61, n’umudamu we w'imyaka 59, batangarije CNN bati: "Tafari yari umwe mu bagize umuryango wacu dukunda." “Igihe twahuraga nawe bwa mbere, yari umutetsi mukuru wungirije ariko w’umuhanga cyane muri White House. 

Wabonaga azi guhanga udushya mu bijyanye no guteka kandi ari ibintu akunze, yari umuhanga cyane mu guhuza abantu. Mu myaka yakurikiyeho, twarushijeho kubona ko ari umuntu ususurutse, uhora yishimye, umugwaneza udasanzwe watumye ubuzima bwacu bwose buba bwiza. ”

Ku wa Mbere, amakuru yavuzwe ko umurambo wa Campbell wavumbuwe muri Martha's Vineyard, Massachusetts, nyuma yo kubura ku cyumweru, tariki ya 23 Nyakanga. Yapfuye afite imyaka 45.

Barack Obama n'umufasha we, Michelle Obama bashenguwe n'urupfu rw'umutwetsi wabo bwite Tafari Campbell, wazize impanuka yo mu mazi

Gushaka uyu Campbell byatangiye ku cyumweru, nyuma y’uko giye mu mu mazi ari mu bwato buto, nyuma akaza kurohama ntabashe kurokoka.

Ku wa Mbere, inzego za polisi y’ibidukikije muri Massachusetts nizo zabonye umurambo wa Campbell mbere gato ya saa 10 a.m ET. Bifashishije ikoranabuhanga ryabo, iri shami ryabonye umurambo wa nyakwigendera “nko muri metero 100 uvuye ku nkombe ku burebure bwa metero umunani.”

Tafari Campbell wari umutetsi wihariye w'umuryango w'uwahoze ari Perezida wa Amerika, Barack Obama yapfuye ku myaka 45

Campbell yapfuye arohamye mu bwato 

Raporo ya polisi ivuga ko abagize umuryango wa Obama “batari bari mu rugo igihe impanuka yabaga.” Ariko nyuma, uyu muryango wihutiye gutanga ubuhamya bwa Campbell ubinyujije mu butumwa yatangaje.

Ku wa mbere, Barack na Michelle babwiye CNN bati: "Yabaye umwe mu bagize ubuzima bwacu kuva icyo gihe, kandi imitima yacu yarashavujwe n’uko yagiye."

Bati: "Uyu munsi twifatanije n'abantu bose bazi kandi bakunda Tafari cyane cyane umugore we Sherise n'abahungu babo b'impanga, Xavier na Savin muri iki gihe cy’akababaro cyo kubura umugabo w'intwari."

Umuryango wa Barack Obama, wihanganishije umuryango wasigaye wa Tafali Campbell

Ishami rya polisi rishinzwe iperereza mu karere ka Cape & Islands ndetse na Polisi ya Edgartown kuri ubu, barimo gukora iperereza ku rupfu rwa Campbell.

Campbell ahura bwa mbere n’uyu muryango, yakoraga nk’umutetsi mukuru wungirije (sous chef) muri White House mu gihe cy’ubuyobozi bwa  Barack.

Nyuma, yaje guhabwa akazi na Obamas kugirango akomeze kuba umutetsi wabo bwite nyuma y’uko Barack Obama avuye ku butegetsi. Barack yabaye perezida wa 44 wa Amerika kuva 2009 kugeza 2017.