Abajepe begukanye igikombe cyo Kwibohora bahigitse Task Force-AMAFOTO

Taliki 4 Nyakanga 2023 mu Rwanda harizihizwa ku nshuro ya 29 umunsi wo Kwibohora. Ni umunsi ugaragaza isozwa ry’urugendo rw’imyaka ine rwatangiye ku wa 1 Ukwakira 1990, ubwo Ingabo za RPA zatangiraga urugamba rwo kubohora u Rwanda ndetse no guhagarika Jenoside yakorewe Abatutsi mu 1994.

Mu rwego rwo kwizihiza uyu munsi, Ubuyobozi bw’Ingabo z’u Rwanda (RDF) bwateguye amarushanwa hakinwa imikino 3 irimo Umupira w’amagaguru, Basketball na Volleyball.

Taliki ya 1 Gicurasi 2023 ni bwo iyi mikino yatangiye, mu mupira w'amaguru hakinwe umukino wa nyuma tariki 3 Nyakanga 2023 kuri Kigali Pele Stadium.

Ikipe ya Republican Guard yageze ku mukino wa nyuma isezereye Special Operation Forces ibitego 2-0 yacakiranaga na Task Force yo yasezereye BMTC Nasho iyitsinda igitego 1-0 muri 1/2.

Ikipe ya Republican Guard yaje gufungura amazamu hakiri kare ku munota 39 ku gitego cyari gitsinzwe na Bizimana Theoneste.

Igice cya mbere cyarangiye Task Force yananiwe kwishyura ndetse no mu gice cya kabiri bigenda gutyo bituma Ikipe y’Abasirikare barinda Umukuru w'Igihugu n'abandi bayobozi bakuru b’Igihugu (Republican Guard) ariyo yegukana igikombe.

Bamwe mu banyacyubahiro bari baje kureba umukino harimo Minisitiri w'ingabo Juvenal Marizamunda; Minisitiri wa Siporo, Madamu Aurore Mimosa Munyangaju; Gen James Kabarebe, umujyanama mukuru wa Perezida Kagame mu by'umutekano, na Lt Gen Mubarak Muganga Umugaba mukuru w'ingabo z'u Rwanda.

Iyi mikino yahuzaga inzego za gisirikare muri RDF mu rwego rwo kurushaho kuzamura ubusabane, imibanire, ubufatanye mu ngabo, kuzamura ubufatanye n'imikoranire hagati y’Ingabo n’abaturage ndetse no kwizihiza umunsi wo Kwibohora.

Ibyishimo byari byose ku ikipe ya Republican Guard

Abanyacyubahiro batandukanye bari bitabiriye uyu mukino

Uko ikipe ya Task Force yatsinzwe igitego

2nd Lieutenant Ian Kagame nawe yari yaje kwihera ijisho uyu mukino

Abafana b'ikipe ya Republican Guard bishimira igikombe

Perezida mushya wa FERWAFA,Munyentwali Alphonse yari yaje kureba uyu mukino

Abakinnyi baq Republican Guard bambaye imidari

Abakinnyi ba Republican Guard bambikwa imidari

Imbara zari zose muri uyu mukino

Abakinnyi ba Task Force yabaye iya 2 bambikwa imidari

Minisitiri wa siporo Aurore Munyangaju na Gen James Kaberebe,Umujyanama Mukuru wa Perezida Kagame mu byumutekano basuhuza abakinnyi mbere yuko umukino utangira

Abakinnyi ba Republican Guard babanje mu kibuga

Abakinnyi ba Task Force babanje mu kibuga

Rwarutabura usanzwe ufana Rayon Sports yarari gufana Republican Guard

Lt Gen Mubarak Muganga umugaba mukuru w'Ingabo z'u Rwanda avuga ijambo kuri uyu mukino

umurindi w'abafana waqri wose muri sitade

ushaka kureba amafoto menshi nyura hano

Uwafotoye: Ngabo Serge