Eminem yanze gutaha ubukwe bw'umukobwa we-AMAFOTO

Marshall Mathers wamamaye ku izina rya Eminem, umwe mu baraperi bakomeye muri Leta Zunze Ubumwe z'Amerika, akomeje kuvugwaho byinshi mu itangazamakuru ry'imyidagaduro nyuma y'uko umukobwa we, Alaina Scott Mathers arushinze n'umukunzi we Matt Moeller nyamara Se ntabutahe.

Ubukwe bw'umukobwa wa Eminem bwabereye mu mujyi wa Detroit mu gace nyaburanga kazwi ka 'Great Gatsby Glam' aho Alaina Scott n'umukunzi we Matt Moeller basezeraniye kubana akaramata imbere y'Imana n'imiryango yabo. Ibi birori byabaye bitunguranye byitabiriwe n'abatumirwa 125 nk'uko PageSix ibitangaza.

Eminem ntiyatashye ubukwe bw'umukobwa we Alaina Scott Mathers

Icyatunguye benshi muri ibi birori nuko Se w'umugeni akaba n'umuraperi w'icyamamare Eminem atigeze yitabira ubukwe bw'umukobwa we. Mu mafoto Alaina na Matt hamwe n'undi mukobwa wa Eminem witwa Haille Jade, bashyize ku mbuga nkoranyambaga nta nahamwe hagaragaramo Se.

Alaina umukobwa wa Eminem yarushinze n'umukunzi we Matt Moeller bamaranye imyaka 6 mu rukundo

Abo mu muryango wa Eminem bari babukereye muri ibi birori atagaragayemo

Alaina yerekanye impeta yambitswe n'umukunzi we ku bukwe bwabo

Ibyishimo byari byose ku bageni bashya

Ubwo umukobwa wa Eminem yabyinanaga n'umugabo we mu birori by'ubukwe

Bamwe mu bitabiriye ubu bukwe nabo batangarije PageSix ko bategereje kubona Eminem azana kuri aritari (Altar) umukobwa we nyamara bagaheba kuko ibirori byatangiye bikarinda birangira atahageze . Benshi batangiye kunenga uyu muraperi ku mbuga nkoranyambaga bavuga ko ibyo yakoze atari byiza.

Benshi banenze Eminem kuba atatashye ubukwe bw'umukobwa we

Mu kiganiro cyihariye Alaina Scott Mathers yagiranye na PageSix ntabwo yigeze asobanura neza impamvu Se atitabiriye ubukwe bwe gusa yatangaje ko yamufashije kubutegura ndetse ko ariwe wamuhuje n'umunyamideli Katerina Bocci wamudodeye ikanzu y'ubukwe bwe. 

Alaina yirinze gutangaza icyatumye Se adataha ubukwe bwe

Hollywood Reporter yatangaje ko benshi bakomeje kuvuga ko impamvu Eminem atitabiriye ubukwe bwa Alaina aruko mu byukuri atari umukobwa we mu maraso kuko aruwo yareze. Mu 1997 nibwo Eminem yatangiye kurera Alaina kubera ko nyina umubyara yari yarabaswe n'ibiyobyabwenge. Alaina yabyawe n'umuvandimwe wa Kim Scott wahoze ari umugore wa Eminem.

Eminem yatangiye kurera Alaina mu 1997, ahabwa uburenganzira bwo kuba umubyeyi we mu 2000

Eminem yatangiye kurera Alaina akiri muto cyane

Mu 2000 nibwo Eminem yemerewe kuba umubyeyi wa Alaina mu mategeko agahabwa n'impampuro zibyemeza ndetse akanamwandikisha mu bana be anamuha izina rye. Ubusanzwe uyu muraperi asanzwe afitanye umubano mwiza na Alaina ndetse bakundaga kugaragara kenshi bari kumwe. Byatunguye abatari bacye kubona Eminem atatashye ubukwe bwe kandi amufata nk'umukobwa we.

Hakomeje kwibazwa impamvu Eminem atatashye ubukwe bw'umukobwa we yareze