Hiba Abouk umugore wa Achraf Hakimi yavuze ko yashyingiranwe nawe kubw’urukundo atari ibintu

Uyu mugore wasabye ko yatandukana n’umugabo we Achraf kuri ubu ukurikiranweho ibyaha byo gufata ku ngufu, yavuze ko ari kunyura mu minsi imukomereye ariko na none yiyemeje ko agomba gukomera.

Yagize ati: “Hari iminsi ubwo nari meze neza n’indi ngomba kwiga guhangana n’imiraba, no kumenya gufata imyanzuro ikomeye mu buzima.” Ibi yabitangaje mu kiganiro yagiranye na Elle Magazine.

Yongeraho ati: “Ibintu bimwe bituma utakaza uburinganire muri wowe, iyo utandukanye n’umuntu uba ugomba kongera kubaka ubuzima bwawe n’ubwo nta kintu kiba gihari nyacyo cyo guhita kibusibiranya, nyamara uba ugomba kukibona.”

Uyu mukinnyikazi wa filimi w’ikirangire muri Espagne yavuze ko kandi ibyamubayeho yabashije kubyitwaramo neza, ati: “Ikintu cy’ingirakamaro ni uko ntuje muri njye, kandi nzi ko nakoze igishoboka cyose.”

Asobanura uko ntako atagize ngo akomeze kubana na Hakimi yagize ati: “Ntabwo uyu ari umwanzuro umuntu afata ijoro rimwe. Ku ruhande rwanjye ni ihame, sinjya mpubuka mu bihe by’amakuba. Ibintu uba ugomba kubikora udasaze kandi mu rukundo.”

Avuga kandi ko kugeza ubu asigaye abonana n’abashinzwe ubuzima bwo mu mutwe rimwe mu cyumweru ngo arusheho kumva ameze neza, kandi ko ibiri kuba nta birenze kuko mu buzima habaho iminsi y’uburumbuke n’indi yo kurumbya.

Akomeza agira ati: “Kwemera kubana n’umuntu ni urukundo, rero wiyemeza ko mwatandukana kuko wasanze warayobye. Abantu duhora tuzenguruka kandi turahinduka tukagura, kandi muri iyo nzira hari aho ugera ukabona ko ugomba guhagarika gushaka uwo uriwe.”

Avuga ko atashyingiranwe na Achraf akurikiranye ibintu kuko n’aho ageze atari ho yari mu gihe cyashize, mbega asa n’usobanura ko ibintu ari ibishakwa.

Ati: “Mu myaka 15 ishize nabanaga n’umuntu mu cyumba cya metero 2 kuri 2, nahoze rero ndi indwanyi sindi umuntu ushaka ibintu, nzi ubuzima kandi ninjye wigejeje aho ngeze.”

Yongeraho ati: “Navuye mu rugo nta kintu mfite imbere n’inyuma nta muryango nitezeho kumfasha, ariko nagombaga kugira aho nigeza. Ntabwo ibyo nari kubigeraho gutyo gusa, kuko icya mbere bwari ubuzima bwanjye ngomba kubaka.”

Asoza asobanura ko ikintu cya mbere afite mu buzima cy’ingenzi ari umwana we, ati: “Kuba umubyeyi byanyigishije ikintu gikomeye ntigeze na mbere mu buzima bwanjye, kandi umwana wanjye ni we uza imbere ya byose.”

Hiba Abouk w’imyaka 36 umutungo we mu busanzwe ubarirwa muri miliyari 2Frw, mu gihe uw’umugabo we bafitanye abana 2 b’abahungu ubarirwa muri miliyari 25Frw n’ubwo zose zibaruye kuri nyina kugera ubu bitazwi uko bizarangira. 

Yatangaje ko ibintu ari ibishakwa, atashyingiranwe na Achraf Hakimi kubera byo

Yagaragaje ko aho ageze yahagejejwe no gukora, atari abantu cyangwa umuryango

Umutungo we ubarirwa muri miliyoni 2 z'amadorali [Asaga Miliyari 2Frw]

Kuri we abana nicyo kintu cy'ingenzi afite, kandi ntako atagize ngo akomeze kubana na Achraf uri ushijwa gufata ku ngufu

Yavuze ko yemeye gushyingiranwa na Achraf kubera urukundo, gusa yifuje ko batandukana kuko yasanze yaribeshye ku muntu