Gareth Bale wamenyekanye cyane mu ikipe ya Real Madrid, yatangaje ko azitabira irushanwa rya PGA Tour's AT&T nyuma yo guhagarika umupira w'amaguru.
Ibyumweru
2 birashize Gareth Bale wahoze ari rutahizamu wa Real Madrid na Los Angeles
atangaje ko ahagaritse umupira w'amaguru ku myaka 33 y'amavuko. Kugera magingo
aya, nta muntu n'umwe uzi icyo Gareth Bale azakora nyuma yo guhagarika umupira
w'amaguru, gusa yamaze gutangaza ko azitabira irishanwa rya Golf rizabera muri
Leta Zunze Ubumwe za Amerika muri Gashyantare uyu mwaka.
Iri
rushanwa riteganyijwe kuba hagati ya tariki 2 na tariki 5, rizitabirwa n'abandi
bakinnyi babigize umwuga barimo muri uyu mukino bagera ku 156. Iri rushanwa rya
AT&T umuntu uzaryegukana azahabwa miliyoni zisaga 9 z'amadorari.
Bale aherutse kumanika inkweto mu buryo bwatunguye benshi
Bale
ufite Champions League zigera kuri 5, muri iri rushanwa azahuriramo n'ibindi
birangirire birimo Bill Murray, Jason Bateman ndetse n'umunyamuziki Macklemore.
âNishimiye
kubamenyesha ko nzakina irushanwa rya AT&T Pebble Beach Pro-Am rizaba mu
ntangiriro z'ukwezi gutaha, mu make twagiye." Gareth Bale yabitangaje
abinyujije kuri Instagram.
Mu
2020 Gareth Bale aganira n'itangazamakuru yavuze ko umupira w'amaguru ari
umukino mwiza akunda kandi yitangira kuko awuha ibye byose, ariko Golf ukaba
umukino akina ari kuruhuka nk'uko buri muntu agira ikintu akunda iyo ari
kuruhuka.
Bale avuga ko nyuma y'umupira w'amaguru akunda gukina Golf
Abenshi bari kwibaza niba Bale agiye kuba umukinnyi wa Golf wabigize umuga
TANGA IGITECYEREZO