Mu buryo bubabaje Abafaransa bihoreye kuri Lionel Messi wabatwaye igikombe cy'isi

Mu gikombe cy'isi cy'uyu mwaka cyaberaga muri Qatar, Argentine niyo yahuriye ku mukino wa nyuma n'u Bufaransa. Ni umukino wa nyuma benshi badatinya kuvuga ko ari wo mukino wa nyuma waryoshye mu mateka y'igikombe cy'isi.

Muri uyu mukino Messi yababaje u Bufaransa kuko ni we watsinze ibitego 2 ndetse aninjiza penariti ya mbere. Uyu mukinnyi w'imyaka 35 yakoze amateka kuko igikombe cy'isi ari cyo cyari gisigaye ataratwara.

Messi asoma igikombe cy'isi

Mu rwego rwo kwihorera kuri Lionel Messi akabari ko mu Bufaransa kafashe umwanzuro wo gufata umupira wa Messi akinana bawushyira ku muryango, mbere y'uko umukiriya yinjira abanza kunyura kuri uwo mupira akihanagura imyanda. 

Ubutumwa buri ku muryango w'ako kabari buragira buti: "Ibuka guhanagura ibirenjye byawe mbere y'uko winjira". Abantu bamwe na bamwe banenze iki gikorwa ndetse banavuga ko bari gukoresha umwenda wa Messi muri Argentine bakareka gukoresha uwo muri Paris Saint-Germain asanzwe akinira.

Nyuma y'uko Messi na Mbappe bahuriye ku mukino wanyuma kandi bakina mu ikipe imwe ya Paris Saint-Germain, byatumye iyi kipe yinjiza amafaranga menshi mu bijyanye n'ubucuruzi.

Nk'uko L'EQUIPE ibitangaza, imyambaro ya Mbappé na Messi yari isanzwe igurishwa hamaze kwiyongeraho 200%.

Umwambaro Messi akinana muri Paris Saint-Germain ni wo Abafaransa bihanaguza imyanda