Tite wahoze atoza Brazil yamburiwe nzira azira amarira ya Neymar mu gikombe cy'isi

Ikipe y'igihugu ya Brazil niyo kipe yitabiriye igikombe cy'isi cy'uyu mwaka cyaberaga muri Qatar ihabwa amahirwe menshi yo kucyegukana kurusha andi makipe y'ibihugu, kubera abakinnyi bakomeye ifite bakina mu makipe akomeye barimo: Neymar ukina muri Paris Saint-Germain, Vinicius ukina muri Real Madrid, Casemiro ukina muri Manchester United ndetse n'abandi. Brazil yaje gutungurwa ndetse inatungura benshi isezererwa muri 1/4, itsinzwe na Croatia kuri penariti.

Nyuma y'uko Brazil isezerewe mu gikombe cy'isi, umutoza wayo Adenor Leonardo Bacchi uzwi nka Tite yahise yegura igitaraganya. Nk’uko ibinyamakuru byo muri Brazil bibitangaza, uyu mugabo ejo ni mugoroba saa kumi n’ebyiri yari ari kugenda mu mihanda ya Rio de Janeiro maze abajura baramwirukankana, bakimara kumufata bamubwiye ko yatumye ikipe y'igihugu cyabo isezererwa hakiri kare, barangije bamwambura umukufi (Chain) uhenze cyane yari yambaye mu ijosi. 

Neymar aririra mu gikombe cy'isi

Uyu mugabo w'imyaka 61 nyuma yo gusezererwa mu gikombe cy'isi yatangaje ko uruziga rwe rurangiye agiye guha umwanya abishoboye, akaba aribo bakomezanya n'ikipe ariko kugeza ubu nta mutoza uraboneka. 

Kugeza ubu Jose Mourinho ari mu bahabwa amahirwe yo kuba yabona akazi ko gutoza Brazil, ndetse mu minsi yashize hari amafoto yagiye hanze ari muri Brazil. Undi mutoza nawe uri kuvugwa cyane kuba yajya gutoza Brazil ni Carlo Ancelotti, usanzwe atoza Real Madrid.

Tite waraye yamburiwe nzira