Menya byinshi ku mukinnyi wahembewe gukurura igitsina gore kurusha abandi mu gikombe cy'isi-AMAFOTO

Igikombe cy'isi cy'uyu mwaka cyabereye muri Qatar gikinwa ku nshuro ya 22, ikipe y'igihugu ya Argentine niyo yacyegukanye itsindiye ikipe y'igihugu y'u Bufaransa ku mukino wa nyuma hifashishijwe penariti. 

Ikipe y'igihugu ya Argentine niyo yihariye ibihembo byatanzwe. Lionel Messi niwe wabaye umukinnyi w'irushanwa, Enzo Fernández aba umukinnyi ukiri muto witwaye neza ndetse na Emiliano Martinez aba umunyezamu w'irushanwa. 

Mu bakinnyi bahembwe badakina muri Argentine ni Kylian Mbappe ukinira u Bufaransa watwaye igihembo cy'umukinnyi watsinze ibitego byinshi, kuko yatsinze ibitego 8 harimo na 3 yatsinze ku mukino wa nyuma. 

Ikindi gihembo gitangaje cyatwawe n'umukinnyi ukinira Argentine ni igihembo cyahawe umukinnyi wakuruye igitsina gore kurusha abandi, Rodrygo De Paul w'imyaka 28 niwe wegukanye iki gihembo. Uyu mukinnyi mu gukurura igitsina gore agereranywa n'umunyabigwi mu mupira w'amaguru, David Beckham ukomoka mu gihugu cy'u Bwongereza.

Umukinnyi wa Argentine wahembwe nk’uwakuruye igitsina gore mu gikombe cy'isi, ari kumwe n'umukunzi we

Rodrygo De Paul ntabwo azwiho gukurura igitsina gore gusa ahubwo no mu kibuga hagati azwiho ubuhanga budasanzwe, kuko ari mu bakinnyi bafashije Argentine ku mukino wa nyuma akina mu kibuga hagati neza nta mipira imunyuraho. 

 Uyu mukinnyi asanzwe akundana n'umuhanzikazi ukomeye muri Argentine witwa Tini Stoessel. Rodrygo De Paul kandi yagiye akundana n'abandi bakobwa b’ibyamamare muri Argentine, harimo Camila Homos uzwi mu bintu byo gushushanya ndetse bakaba bafitanye n'abana 2. 

Mu bandi bakinnyi batowe mu gukurura igitsina gore ni umuzamu wa Brazil Alison Backer, umunyezamu w'u Budage Kevin Trapp, Bremer ukinira Brazil na Oliver Giroud ukinira u Bufaransa.

Alisson Backer nawe uri mu bakinnyi ba 5 bakuruye igitsina gore mu gikombe cy'isi cy'uyu mwaka cyaberaga muri Qatar.

Olivier Giroud nawe uri mu bakinnyi bakuruye igitsina gore mu gikombe cy'isi

Rodrygo De Paul wahigitse abandi bakinnyi mu gikombe cy'isi mu gukurura igitsina gore