Ibishashi by'umuriro n'indirimbo byari byose, Ikipe ya Marooc yakirwa i Rabat - AMAFOTO

Ni nyuma y'uko 'Les Lions de l'Atlas' yitwaye neza mu gikombe Cy'Isi cyasojwe muri Qatar mu mpera z'icyumweru gishize, aho umukino wayo wa nyuma ari uwo yatsinzwemo na Croatia bahatanira umwanya wa Gatatu.

Mu mikino y'amatsinda, Marooc yanganyije na Croatia, itsinda u Bubiligi na Canada biyoroheye, biyiha itike yo gukomereza mu mikino yo gukuranwamo.

Muri ⅛, Marooc yasezereye Espagne kuri Penaliti, naho muri ¼ isezerera Portugal iyitsinze igitego 1-0, mbere yo gutsindwa n'u Bufaransa muri ½, ubwo yari imaze gutakaza ba myugariro ngenderwaho; Nayef Agueld na Kapiteni Romain Saiss bari bavunitse.

Marooc yatitije amakipe akomeye, ikanga ibihangange ndetse abakinnyi bayo bazamura agaciro ku isoko, aho kuri ubu abarimo Azzedine Ounahi, Sofyan Amrabat n'abandi, bari kwifuzwa n'amakipe akomeye i Burayi.

Abasore ba Marooc batashye babanza kwakirwa n'Umwami, Mohammed VI, nyuma bajya kwishimana n'abaturage mu murwa mukuru Rabat, aho beretswe urugwiro, bararirimbirwa ndetse hacanwa ibishashi bisanzwe biranga abafana ba ruhago muri Africa y'Amajyaruguru.

Abakinnyi n'abakunzi babo bakiriwe ibwami

Abaturage bari benshi ku mihanda

Umuriro wacanwe, abakinnyi batemberezwa umujyi

Imihanda y' i Rabat yari yuzuye abaturage