RFL
Kigali

Igikombe cy'Isi: Brazil yatsinze Ubusuwisi ibona tike ya 1/8

Yanditswe na: ISHIMWE Olivier Ba
Taliki:28/11/2022 21:49
0


Igitego cya Casemiro cyo ku munota wa 83 cyafashije ikipe y'igihugu ya Brazil gutsinda Ubusuwisi ihita ibona itike ya 1/8 cy'irangiza.



Wari umukino wa kabiri wo mu itsinda G aho Brazil n'u Busuwisi ikipe yagombaga gutsinda yari guhita ibona itike ya 1/8 kuko imikino ibanza yose zari zatsinze.

Umukino watangiye ku isaha ya saa 18:00 PM zuzuye neza utangizwa na Brazil yari yakiriye umukino.

Igice cya mbere cyaranzwe no gukina kurimo kwanga kwirekura ku mpande zombi. Brazil yakinaga imipira yayo iyinyuza kuri Vinicius Junior mu gihe Embolo ku ruhande rw'u Busuwisi ariwe wari uhanzwe amaso.

Abakinnyi babanje mu kibuga

Brazil: Alisson, Thiago Silva, Sandro, Casemiro, Marquinhos, Fred, Richarlison, Militao, Raphinha, Paqueta na Vinicius.

U Busuwisi: Sommer, Rodriguez, Xhaka, Freuler, S.Widmer, Elvedi, Embolo, Sow, Akanji, RubĂ©n Vargas na Fabian Rieder.

Mu gice cya kabiri Brazil yagarutse yahinduye umukino aho yakinaga yihutisha umukino ndetse ishaka igitego hakiri kare. Ku munota wa 47 Rodrygo yinjiye mu kibuga asimbuye Lucas. 

Ku munota wa 59 Brazil yakoze impinduka Fred nawe ava mu kibuga, asimburwa na Bruno. U Busuwisi nabwo bwakoze impinduka za mbere ku munota wa 60, Fernandez yinjira mu kibuga asimbura Vargas.

Brazil yakomeje gusatira u Busuwisi ishize amanga, ariko igitego kikabura kugera n'aho Vinicius Junior yaje gutsinda igitego umusifuzi avuga ko yarayemo.

Ku munota wa 83 Brazil yaje kubona igitego ku mupira wazamukanwe na Vinicius Junior awuhereza Rodrygo nawe wahise awuha Casemiro nawe atera adahagaritse umupira uruhukira mu izamu ry'u Busuwisi.

Iminota y'umukino yarangiye nta zindi mpinduka zibayeho, Brazil ikomeza mu mikino ya 1/8 cy'irangiza nyuma yo gutsinda imikino 2 yikurikiranya. 

Brazil ntabwo irabasha kwinjizwa igitego mu izamu ryayo, ndetse ikaba imaze gutsinda ibitego 3. Brazil n'u Busuwisi zaherukaga guhura mu mikino y'amatsinda y'igikombe cy'Isi cya 2018 ubwo amakipe yombi yanganyaga igitego kimwe kuri kimwe. 

Casemiro yatumye abakunzi ba Brazil imitima isubira mu gitereko 

Brazil yageze muri 1/8 cy'irangiza 






TANGA IGITECYEREZO

Izina ryawe
Email yawe
Andika igitecyerezo


Safari

Inyarwanda BACKGROUND