Manchester United yaguze abakinnyi bane, Arsenal nayo iriyubaka: Ni bande bagiye, ni bande basigaye ku munsi wa nyuma?

Kugurwa uvuye mu gihugu ukajya mu kindi cyangwa se kuguma mu gihugu wakinagamo ariko ugahindura ikipe ni byo byaranze umunsi wa nyuma w'isoko

Manchester United yasinyishije abakinnyi bane barimo Edinson Cavani utari ufite ikipe guhera muri Kamena nyuma yo gutandukana na PSG yari amazemo imyaka isaga irindwi.

Cavani yasinyiye ubuntu ariko akazajya ahembwa ibihumbi 200£ ku cyumweru. Uyu musore w'imyaka 33 yaguzwe ku munsi wa nyuma gusa ibiganiro bikaba byari byaratangiye ku wa Gatandatu w'icyumweru gishize.

Cavani yageze muri PSG MU 2013 aKaba avuyeyo ku buntu

Amad Diallo w'imyaka 19 na we ni umwe mu bakinnyi 4 ikipe ya Manchester United yasinyishije ku munsi wa nyuma. Amad asanzwe ari umukinnyi wa Atalanta akaba azerekeza muri Manchester United umwaka utaha muri Mutarama nta gihindutse, amapawundi Miliyoni 21 ni yo amakipe yombi yumvikanye kugira ngo uyu mwana ahindure igihugu. 

Si aba bakinnyi gusa kuko umunya-Brazil ukina inyuma ku ruhande rw'ibumoso, Alex Telles na we yinjiye mu ikipe ya Manchester United avuye muri FC Porto akaba yatanzweho amapawundi agera kuri miliyoni 15, Alex yitezweho guhanganira umwanya na Luke Shaw ukunze kurangwa n'ikibazo cy'imvune.

Arsenal nayo ntabwo yatanzwe ku munsi wa nyuma w'isoko kuko urugendo rwo gusinyisha Thomas Partey rwatangiye ku munsi wa mbere w'isoko rukaba rwarangiye uyu musore ukomoka muri Ghana asinyiye ikipe ya Arsenal.

Thomas Partey ubu ni umukinnyi mushya wa Arsenal

Chris Smalling wari myugariro wa Manchester United yaje kwerekeza mu ikipe ya As Roma ku masezerano ahoraho akaba yaguzwe amapawundi agera kuri Miliyoni 18. Chris Smalling yari amaze umwaka wose muri Roma ari intizanyo byaje no gutuma ahita agurwa burundu.

Ikipe ya Paris Saint Germain yasinyishije Rafinha imukuye muri FC Barcelona. Uyu musore w'imyaka 27 akaba yatanzweho Miliyoni zigera kuri 2 z'amapawundi.

Bayern Munich yasinyishije Douglas Costa ku ntizanyo y'umwaka, inasinyisha kandi Umunya-Cameroon Eric Maxim Choupo-Moting amasezerano y'umwaka umwe mu gihe uyu mukinnyi nta kipe yari afite Choupo-Moting azajya yambara nimero 13.

Douglas Costa yasubiye muri Bayern Munich

Lucas Torreira wari amaze imyaka ibiri mu ikipe ya Arsenal yasinyishijwe na Atletico Madrid ku ntizanyo y'umwaka umwe. Torreira yageze muri Arsenal avuye mu Butariyani mu ikipe ya Sampdoria.

Myugariro wa Barcelona Todibo yerekeje muri Benfica ku ntizanyo y'imyaka ibiri, PSG yasinyishije ku ntizanyo umukinnyi ukina mu kibuga hagati Danilo Pereira, mu gihe bamushima bakamugura Miliyoni zisaga 16 z'Amadorari. Ikipe ya Napoli yasinyishije Tiemoue Bakayoko ku ntizanyo imukuye mu ikipe ya Chelsea, Rutahizamu wa Everton Teo Walcott yatijwe mu ikipe ya Southampton yanakuriyemo mbere yo kwerekeza mu ikipe ya Arsenal.

Theo Walcott yari amaze imyaka isaga ibiri muri Everton

Umunyezamu wa Manchester United, Romeo washakishwaga n'ikipe ya Everton byarangiye ntaho agiye, Jadon Sancho wifujwe na Manchester United byageze ku munsi wa nyuma bitarakunda, ndetse na Ossiman Dembele washakaga gutizwa n’ikipe ya FC Barcelona byarangiye agumye mu rugo.

Antonio Rudiger washakwaga na AS Roma byarangiye agumye ku rugo muri Chelsea, Watford yanga gutiza umukinnyi wayo Ismaila Sarr mu ikipe ya Manchester United. Myugariro wa Manchester City, Eric Garicia kwerekeza muri Barcelona byanze.