Abanya-Nigeria barasaba Osimihen kujya muri FC Barcelona

Mu waka ushize nibwo Victor Osimihen yabwiye ikipe ya Napoli ko yifuza kuyivamo nyuma yo kuyigiriramo ibihe byiza ariko kubwo kumushyira ku giciro cyo hejuru, habuze ikipe yataga ayo mafaranga ngo imwegukana nubwo ubuyobozi bwa Napoli bwabigenzaga gacye cyane.

Nyuma y’uko Antonio Conte agezeyo akavuga ko atazamukenera niba atifuza gukinira Napoli ndetse bagahita bagura Romelu Lukaku nk’umusimbura we, Victor Osimihen yahise atizwa muri Galatasalay.

Nyuma y’uko uyu mwaka w’imikino urangira, Victor Osimihen agomba gusubira mu Butaliyani kwa Napoli hanyuma ikipe ye ikaba yamugurisha cyangwa se bose bahindura ibitekerezo akaba yahaguma.

Amahirwe menshi ahari ni uko Victor Osimihen agomba kuva muri Napoli akajya kugerageza ahandi mu makipe amwifuza nka Manchester United, Arsenal, Chelsea ….

Abanya-Nigeria benshi bakamajeje basaba Victor Osimihen kujya muri FC Barcelona imeze neza ariko ikaba ibura rutahizamu ukomeye wo kuzaza gukurira mu nkweto  za Robert Lewandowiski nubwo we yiyemerera ko agifite igihe cyo gukina.

Umuraperi Odumodublvck yisunze abandi benshi bifuza kubona uyu musore muri FC Barcelona hanyuma ajya kuri X ye yandika agira ati ‘nzarira amarira y’ibyishimo Osimihen naramuka agiye muri FC Barcelona.’

Osimihen amaze gushimangira ko ari rutahizamu mwiza utari uw’umwaka umwe ahubwo ari rutahizamu wagenderaho igihe kirekire kandi agatanga umusaruro. 

Odumodublvck yavuze ko Osimihen aramutse agiye muri FC Barcelona yarira amarira y'ibyishimo