Umwungeri Patrick wari muri Police FC mu mwaka w'imikino 2017-2018, yasinye amasezeramo y'imyaka ibiri muri Mukura Victory Sport.
Umwungeri ni umukinnyi wo
mu mutima w'ubwugarizi, akaba yarafatanyije na Mukura VS mu mikino ya CECAFA
Kagame Cup 2019 aho bari mu itsinda rya kabiri (B).
Mutabazi Hackim wakinaga muri Sunrise FC nawe yasinye muri Mukura VS
Uretse kuba Mukura VS
yasinyishije Umwungeri Patrick, basinyanye na Mutabazi Hackim bita Pappy amasezerano
y'imyaka ibiri nyuma y'uko yari asoje amasezerano yari afitanye na Sunrise FC.
Patrick Umwungeri
w'imyaka 25, yatangiye umupira w'amaguru mu buryo busobanutse ubwo yari muri
SEC Academy yagezemo mu 2009 akaza kuyivamo mu 2011. Yaje kunyarukira muri
Kiyovu Sport amaramo umwaka umwe w'imikino (2011-2012).
Umwungeri Patrick yasinye amasezerano y'imyaka ibiri muri Mukura VS
Nyuma yaje gutandukana
n'iyi kipe yo ku Mumena agana muri AS Kigali (2012-2015). Mu mpera za 2015
ni bwo yaje kuva muri iyi kipe y'umujyi agana muri Police FC mu mwaka w’imikino
2015-2016 ayivamo mu mwaka wa 2018.
Inkuru ya Mihigo Saddam & Paul Mugabe
TANGA IGITECYEREZO