VIDEO: Rutanga arashakwa na Yanga SC, Kagere ashobora gutwara igihembo cy’umwaka, GMT muri Taekwondo izakinirwa Rubavu

Eric Rutanga Alba ni umwe mu bakinyi ba Rayon Sports bari gusoza amasezerano muri iyi kipe yamaze gutwara igikombe cya shampiyona 2018-2019 mu gihe iyi kipe itaramuganiriza ngo ibe yamwongera andi akaba afite uburenganzira bwo gusinya muri Yanga Africans.

ERic Rutanga Alba amahirwe menshi ni ayo kujya muri shampiyona ya Tanzania 

Mu gihe Eric Rutanga Alba yasinya muri Yanga SC yaba abaye umunyarwanda wa gatatu uyisinyemo muri iri gura n’igurisha kuko Issa Bigirimana na Sibomana Patrick Pappy bamaze kurangiza iyi gahunda ndetse bakaba bari mu mujyi wa Kigali aho baterege gusubira mu kazi nyirizina mu ikipe yabo nshya.

Mu yandi makuru nuko Meddie Kagere umunyarwanda ukina ataha izamu muri Simba SC ari u rutonde rw’abakinnyi batatu bahatanira igihembo cy’umukinnyi w’umwaka w’imikino 2018-2019 muri shampiyona ya Tanzania.

Meddie Kagere afite amahirwe yo kuba umukinnyi w'umwaka muri Tanzania

Meddie Kagere ahanganye na John Raphael Bocco na Clatous Chota Chama bakinana muri Simba SC ikipe ifite igikombe cya shampiyona 2018-2019.

Mu ishyirahamwe ry’umukino wa Taekwondo mu Rwanda (RTF) bamaze gushyiraho gahunda y’imikino yo kwibuka abari abanyamuryango b’iri shyirahamwe bazize Jenoside yakorewe Abatutsi mu Rwanda muri Mata 1994.

Ni imikino izakinwa tariki ya 8-9 Kamena 2019 ikazabera mu karere ka Rubavu ku kigo cya Vision Jeunesse Nouvelle hafi y’ikiyaga cya Kivu.

Muri Taekwondo bazakinira i Rubavu imikino ya GMT 2019

Muri iyi mikino, RTF biteze ko ibihugu birimo Repubulika Iharanira Demokarasi ya Congo (DR Congo) na Kenya bazitabira iyi mikino.

Amakipe atanu (5) yo mu Rwanda niyo amaze kwemeza ko azitabira iri rushanwa. Aya amakipe arimo; Police Taekwondo Club, Pera Taekwondo Club(Rusizi), Kivu Vision Taekwondo Club (Rubavu), Trinity Taekwondo Club(Musanze), Urban Taekwondo Club (Kigali).

Kanda hano ukurikire INYARWANDA Sports