RFL
Kigali

Kongo Kinshasa-Imibare y’abandura Ebola ikomeje kwiyongera

Yanditswe na: Yvonne Murekatete
Taliki:25/03/2019 13:38
0


Mu burasirazuba bwa Repubulika ya Demokarasi ya Kongo, ku nshuro ya mbere abamaze kwandura virusi ya Ebola umaze kurenga 1000 nk’uko byemezwa n’imiryango mpuzamahanga iri gufasha guhangana n’iki cyorezo.



Imibare itangwa n’umuryango w’abibumbye wita ku buzima OMS ivuga ko kugeza ubu abantu 629 ari bo bamaze gupfa bazize Ebola kuva yongeye kubura muri Repubulika Iharanira Demokarasi ya Kongo mu kwezi kwa munani mu mwaka ushize wa 2018.

OMS ikomeza ivuga ko umubare w'abarwayi ba Ebola wiyongereye cyane mu cyumweru gishize, abarwayi 58 bashya mu cyumweru kimwe, umubare munini wa mbere ubayeho mu gihe nk'icyo muri uyu mwaka. Kugeza ubu haracyari imbogamizi mu guhangana na Ebola muri Congo Kinshasa

Abakora mu bikorwa by'ubuvuzi bwa Ebola bemeza ko bugarijwe n'ikibazo cy'umutekano mucye muri ako karere ndetse na bamwe mu baturage barwanya ibikorwa by'ubuvuzi.Ibigo byinshi bivurirwamo Ebola byagabweho ibitero n'abantu batamenyekanye ndetse n'ababwari ba Ebola, bashobora kwanduza bava aho bavurirwaga.

Ni ku nshuro ya 10 Ebola yadutse muri Kongo mu mateka y'iki gihugu, ariko kugeza ubu iyi yo kuri iyi nshuro igaragara nkaho guhangana na yo biri kuba urusobe. Ni na yo yibasiye abantu benshi cyane kurusha izindi zabanje muri iki gihugu, ikaba n'iya kabiri ikaze cyane ibayeho ku isi,nyuma y’iyibasiye ibihugu byo mu burengerezuba bw’Afurika mu myaka ishize.

Src: BBC






TANGA IGITECYEREZO

Izina ryawe
Email yawe
Andika igitecyerezo




Inyarwanda BACKGROUND