Captain Marvel kuri ubu niyo filime iri kugurwa cyane ku isi kurusha izindi. Iyi filime iri mu bwoko bwa Action/ Adventure, ikaba irimo abakinnyi nka Brie Larson, Samuel L.Jackson, Ben Mendelsohn n’abandi batandukanye.
1. Captain
Marvel
Ni filime yasohotse kuwa 5 tariki 08/03/2019, imaze
kwinjiza $153,000,000 muri Amerika gusa. Icuruzwa na Buena
Vista, amafaranga byatwaye ngo iyi filime itunganywe ntiyigeze atangazwa, ku
isi hose imaze kwinjiza $455,000,000.
2.
How to Train Your Dragon: The Hidden World
Iyi filime icuruzwa na Universal, muri iyi weekend yinjije $14,696,000 kandi ubushize niyo yari ku mwanya wa mbere muri filime
zikunzwe cyane ku isi. Ni filime yo mu bwoko bwa animation, yasohotse ku
itariki 22/02/2019. Kuyikora byatwaye miliyoni 129 z’amadolari, kuva yasohoka
kugeza ubu, imaze kwinjiza $435,162,125.
3.
Tyler Perry’s A Madea Family Funeral
Ni imwe muri filime z’urwenya zishingiye ku mugore Madea
waremwe na Tyler Perry muri filime, icuruzwa na Lionsgate ikaba yarasohotse
tariki 01/03/2019. Iyi filime muri iyi weekend yinjije $12,050,000. Ayo byatwaye ngo itunganywe ntabwo yigeze atangazwa, gusa
kugeza ubu iyi filime imaze kwinjiza $46,115,383. Ubushize yari ku mwanya wa 2.
4.
The LEGO Movie 2: The Second Part
Iyi yo ntabwo yigeze ihindura umwanya kuko n’ubushize niyo yari ku mwanya
wa muri filime zicuruzwa cyane kurusha izindi ku isi, yinjije $3,825,000. Yasohotse ku itariki 08/02/2019, ikaba icuruzwa na Warner
Bros, iri mu bwoko bwa Animation. Kuva yasohoka kugeza uyu munsi imaze kwinjiza
$164,409,961.
5.
Alita: Battle Angel
Iyi filime iri mu
bwoko bwa Action/Adventure yinjije $3,200,000 muri Amerika gusa, ku isi
hose yinjije $382,659,117.
Ni filime icuruzwa na Fox, yasohotse ku munsi w’abakundana kuwa 4 tariki
14/02/2019. Gukora iyi filime byatwaye miliyono 170 z’amadolari, ubushize yari
ku mwanya wa 3.
6. Green Book
Iyi filime icuruzwa na
Universal, yasohotse ku itariki 16/11/2018. Muri iyi weekend yinjije $2,488,000,
ikaba mu bwoko bwa comedy/drama. Kuva iyi filime yasohoka kugeza ubu imaze
kwinjiza $242,240,871,
kuyikora byari byatwaye miliyoni 23 z’amadolari. Ubushize yari ku mwanya wa 6.
7. Isn’t It Romantic
Icuruzwa na Warner
Bros. (New Line), iri mu bwoko bwa comedy ikaba yarasohotse tariki 13/02/2019.
Amafaranga yakoreshejwe mu kuyitunganya ntiyigeze atangazwa, muri weekend
yinjije $2,410,000,
naho kuva yasohoka kugeza ubu imaze kwinjiza $44,154,720.
Aya mafaranga yose yayacuruje muri Amerika gusa. Ubushize nabwo yari ku
mwanya wa 7.
8. Fighting with My Family
Nayo iri mu zasohotse ku munsi w’abakundana ku itariki
14/02/2019, muri iyi weekend yinjije $2,188,868.
Icuruzwa na Warner Bros (New Line), kuva yasohoka kugeza ubu imaze kwinjiza $18,656,958,
aya mafaranga yose imaze kuyinjiza muri Amerika gusa, dore ko ariho gusa
icuruzwa. Ayo byatwaye ngo ikorwe ntiyigeze atangazwa, ubushize yari ku mwanya
wa 5.
9.
Greta
Iri mu bwoko bwa Drama/thriller, muri iyi weekend yinjije $2,161,000 ikaba icuruzwa na Focus Features. Yasohotse tariki 01/03/2019,
ayo byatwaye ngo itunganywe ntiyigeze atangazwa, gusa iyi filime imaze kwinjiza
$9,052,735. Ubushize yari ku mwanya wa 8.
10.
Apollo 11
Iyi yo ni filime mbarankuru icuruzwa na Neon, muri iyi weekend yinjije $1,301,000. Yasohotse ku itariki 01/03/2019, ayo byatwaye ngo itunganywe ntiyigeze atangazwa, iyi filime nayo icuruzwa muri Amerika gusa, ikaba imaze kwinjiza $3,780,952. Ubushize yari yaje ku mwanya wa 15.
TANGA IGITECYEREZO