MU MAFOTO: Israel Mbonyi yasusurukije abana barimo n'abahungu ba Anita Pendo bitabiriye Christmas Kids Festival 2018

Christmas Kids Festival 2018 yabaye tariki 15-16 Ukuboza 2018 ibera i Masaka mu karere ka Kicukiro. Jovia Nkurunziza umuyobozi wa Spiderman Game Center (ikigo cy'imikino n’imyidagaduro by'abana) yabwiye Inyarwanda.com ko abana bitabiriye iri serukiramuco ry’uyu mwaka wa 2018 bishimiye cyane gutaramirwa na Israel Mbonyi.

Ibi birori byaritabiriwe cyane

Anita Pendo wari witabiriye ibi birori aho yari aherekeje abahungu be, yashimiye cyane Israel Mbonyi wataramiye abana barimo n'abahungu be babiri (abana ba Anita Pendo). Anita Pendo yanditse kuri Instagram ati; "Israel Mbonyi wakoze kudutaramira, witoje no guterura bebe." Ni ku nshuro ya mbere Anita Pendo agaragaye mu birori ari kumwe n'abana be bombi. Ibi birori Anita Pendo yajyanyemo n'abahungu be byateguwe mu rwego rwo kwifuriza abana bato kuzagira noheli nziza.

Israel Mbonyi akikiye umuhungu wa Anita Pendo

Muri Christmas Kids Festival 2018 habereyemo udushya tunyuranye turimo amarushanwa ajyanye no kuririmba, gusoma, kumurika imideri, gushushanya n'ibindi. Abana bahize abandi bahawe ibihembo binyuranye. Mu bihembo byatanzwe harimo; amagare, moto z'abana, ibikoresho by'ishuri n'ibindi bitandukanye. Twabibutsa ko iri serukiramuco riba muri mwaka mbere y'iminsi micye ngo Noheli ibe.

Anita Pendo hamwe n'abahungu be mu birori bya Christmas Kids Festival 2018

REBA AMAFOTO Y'UKO BYARI BIMEZE

Abana bagaragaje impano zitandukanye bafite, aba bo bamuritse imideli

Israel Mbonyi yataramiye abana bitabiriye iyi Festival

Anita Pendo hamwe n'umuhungu we

Anita Pendo hamwe na Jovia utegura Christmas Kids Festival

Coca Cola yateye inkunga iri serukiramuco itanga imipira yo kwambara n'iyo gukinana bihembwa abana bitwaye neza. Mu bihembo byatanzwe harimo kandi n'ifu ya Nootri y'uruganda Africa Improved Foods (AIF)