RURA
Kigali

Paris Saint-Germain yegukanye igikombe cya shampiyona cya 13 habura imikino 6

Yanditswe na: Aloys Niyonyungu
Taliki:5/04/2025 21:35
0


Ikipe ya Paris Saint-Germain yegukanye igikombe cya shampiyona y'icyikiro cya mbere mu Bufaransa cya 13 habura imikino 6 ngo imikino irangire.



‎Kuri uyu wa Gatandatu nibwo Paris Saint-Germain yari yakiriye Angers kuri Parc des Princes mu mukino wo ku munsi w 28 wa shampiyona.

‎‎Uyu mukino warangiye Iyi kipe yamamaza Visit Rwanda itsinze Angers 1-0. Ni igitego cya Desire Doué ku munota wa 55 ahawe umupira na Khvicha Kvratskhelia.

‎‎Nyuma yo gutsinda uyu mukino ikipe ya Paris Saint-Germain yahise yegukana igikombe cya shampiyona cy'uyu mwaka w'imikino nubwo hakibura imikino 6 kugira ngo irangire.

‎‎Yahise igira amanota 74 mu gihe AS Minaco iyikurikiye yo ifite amanota 51. Bivuze ko mu mikino isigaye niyo PSG yatsindwa naho AS Monaco yose ikayitsinda ntabwo yakuramo iki kinyuranyo cy'amanota..

‎‎Iyi kipe itwaye iki gikombe nta mukino n'umwe itsinzwe. Ni icya 11 itwaye mu myaka 13 iheruka aho ari AS Monaco yanyuzemo muri 2015/16 ndetse na Lille muri 2021/22.

‎‎Muri rusange ni igikombe cya 13 itwaye aho binayigira ikipe ya mbere ifite ibikombe byinshi bya shampiyona y'u Bufaransa. Ikurikirwa na AS Saint-Étienne ifite 10,Olympique de Marseille ifite 9 ndetse na AS Monaco ifite 8.

Byari ibyishimo ku bakinnyi ba Paris Saint-Germain nyuma yo kwegukana igikombe 

PSG yegukanye igikombe cya 13 cya shampiyona y'u Bufaransa 






TANGA IGITECYEREZO

Izina ryawe
Email yawe
Andika igitecyerezo


KOPA

Inyarwanda BACKGROUND