Hatangajwe abakire 500 ba mbere ku Isi barangajwe imbere na Elon Musk

Ku rutonde rw’abakire 500 ku isi rwasohowe na Bloom berg Billioneires Index twabahitiyemo abaherwe 10 ba mbere bakaba barangajwe imbere na Elon Musk.

1. Elon Musk: Umushoramari w’umunyamerika, afite umutungo wa miliyari 336 z’amadolari. Ni umuyobozi w’ibigo bikomeye nka Tesla, SpaceX na Neuralink. Yamenyekanye cyane kubera ibikorwa bye mu guteza imbere imodoka zitangiza ibidukikije na gahunda yo kohereza abantu mu isanzure. 

Ibigo bye bihuriza ku ikoranabuhanga rigezweho, n’ubwo wagiye ugabanuka uvuye kuri Miliyari 400 z’amadorali bitewe n,isoko ry’imodoka za Tesla ryari ryifashe n’abi mu burayi.

2. Jeff Bezos: Washinze urubuga rwa Amazon afite umutungo wa miliyari 222 z’amadolari. Bezos yatangije Amazon mu 1994, yifashishije ikoranabuhanga kugira ngo agere ku basomyi bo ku isi yose. 

Uru rubuga rwaje kwaguka rwinjira mu bintu bitandukanye, harimo kugurisha ibicuruzwa, serivisi za cloud computing (Amazon Web Services), ndetse n’ibikorwa by’ubucuruzi mu bindi byiciro byinshi. Bezos ni umwe mu bantu bazwi cyane mu gufasha ubucuruzi bwa interineti gukomeza gutezwa imbere. 

3. Mark Zuckerberg: Ni umuyobozi wa Facebook, akaba afite umutungo wa miliyari 216 z’amadolari. Zuckerberg wavutse mu 1984, yashinze Facebook mu 2004 mu rwego rwo guhuza abantu ku isi.

Facebook yabaye urubuga rwa mbere mu gutanga amakuru no guhuriza hamwe abantu benshi, ikaba inafite ibigo bikomeye nka Instagram na WhatsApp. Yabaye ikimenyabose mu ikoranabuhanga kandi ari mu bagize uruhare mu guhindura imikorere y’imbuga nkoranyambaga ku isi.

4. Bernard Arnault, umuyobozi w’ikigo LVMH (Louis Vuitton Moët Hennessy), afite umutungo wa miliyari 173 z’amadolari. Arnault ni umushoramari w’umufaransa kandi ni we uyobora LVMH, ikigo gicuruza ibicuruzwa by'ubwiza, imyenda n’ibinyobwa bigezweho. 

Iki kigo kigizwe n’ibirango by’icyubahiro nka Louis Vuitton, Christian Dior, na Moët & Chandon. Bernard Arnault ni umwe mu bashoramari bamenyekanye ku isi ku rwego rw’ubucuruzi bwo hejuru mu bijyanye n’imyambarire n’ibinyobwa byiza.

5. Larry Ellison, umuyobozi wa Oracle, afite umutungo wa miliyari 170 z’amadolari. Ellison, wavutse mu 1944. Oracle ikora porogaramu zifasha ibigo n’imiryango mu gucunga amakuru no gukora ibikorwa by’ubucuruzi mu buryo bw’ikoranabuhanga. 

Ellison, nk'umushoramari, yanagize uruhare mu bikorwa byo gushora imari mu nzego zitandukanye harimo n’ubukerarugendo, aho afite ibikorwa bitandukanye mu bikorwa byo kubungabunga ibice by'ubukerarugendo.

6. Warren Buffett, Warren Buffett, umushoramari w’umunyamerika, afite umutungo wa miliyari 166 z’amadolari. Buffett ni umuyobozi w’ikigo Berkshire Hathaway, aho yagaragaje ubuhanga bwo gushora imari mu bigo binini, akagaragaza uburyo bwo gukorera amafaranga mu buryo bw'ishoramari. 

Uyu mugabo ni umwe mu bashoramari b’ibyamamare ku isi kandi azwiho gufata ibyemezo bifite ingaruka zikomeye mu gucunga imitungo n'ibigo bikomeye.

7. Bill Gates, washinze Microsoft, afite umutungo wa miliyari 164 z’amadolari. Gates, wavutse mu 1955, yashinze Microsoft mu 1975, ikigo cyabaye ikimenyabose mu gukora software zifasha imashini za mudasobwa. 

Microsoft yabaye uruganda rukomeye ku isi, ikaba ifite ibyiciro bitandukanye by'ubucuruzi harimo Windows, Office Suite, ndetse na cloud computing. Gates ubu ni umwe mu bashoramari bashora imari mu bikorwa bitandukanye byo gufasha imishinga y'iterambere. 

8. Larry Page, umwe mu bashinze Google, afite umutungo wa miliyari 150 z’amadolari. Page, wavutse mu 1973, yashinze Google mu 1998 hamwe na Sergey Brin, ikigo cyamenyekanye cyane mu itumanaho no gushakisha amakuru ku mbuga nkoranyambaga. 

Google ubu ni urubuga rukuru ku isi, ikaba ifite ibikorwa bitandukanye by’ubucuruzi nka YouTube, Android, na Google Cloud. Larry Page ni umwe mu bantu bafite uruhare ru komeye mu iterambere ry’ikoranabuhanga. 

9. Sergey Brin, umwe mu bashinze Google, afite umutungo wa miliyari 141 z’amadolari. Brin, wavutse mu 1973 mu Burusiya, yakuriye muri Leta Zunze Ubumwe za Amerika. Yashinze Google na Larry Page mu 1998. Brin yabaye umwe mu bantu b'ingenzi mu iterambere ry'ikoranabuhanga, kandi agira uruhare runini mu guhindura uburyo abantu babona amakuru ku isi.

10. Steve Ballmer, wahoze ari umuyobozi wa Microsoft, afite umutungo wa miliyari 110 z’amadolari. Ballmer yagiye ku buyobozi bwa Microsoft mu 2000, akaba yaragize uruhare runini mu gukuza Microsoft ikagera ku rwego rwo hejuru mu bijyanye na software z’imashini. Uyu mugabo ni n'umuyobozi w’ikipe ya Los Angeles Clippers akaba n’umushoramari mu bikorwa bitandukanye.

Urutonde rw’abakire rw’ibigo nk’ibi rugaragaza uburyo abanyamafaranga bashobora kubyaza umusaruro amahirwe bafite mu buryo bw’ikoranabuhanga no mu gushora imari mu bikorwa bitandukanye. Uru rutonde ni ikimenyetso cy’uko ikoranabuhanga, imishinga  igezweho y’ibanda ku ikorana buhanga n’ishoramari bifite uruhare rukomeye ku bukungu bw’isi.