Ikipe ya FC Barcelona ishobora kuzambara umuhanzikazi w'icyamamare ukomoka muri Leta Zunze ubumwe z'Amerika,Taylor Swift ku mukino izakiramo Real Madrid.
Kuva mu mwaka w'imikino wa 2022/23 nibwo Urubuga rucururizwaho umuziki rwa Spotify rwagiranye amasezerano na FC Barcelona y'imikoranire.
Iyi kipe kuva icyo gihe yambara ikirango 'logo' cy'uru rubuga ku myambaro yose y'iyi kipe imbere mu gatuza.
Ntabwo ari ibi gusa ahubwo iyi kipe ku mukino wa El Clásico yakinnye iba igomba kwambara ikirango cy'umuhanzi runaka.
Ku mukino wo kwishyura wa shampiyona FC Barcelona ifitanye na Real Madrid hagati ya tariki ya 10 na 11 z'Ukwezi kwa 5 kuri Estadi Olimpic iyi kipe ishobora kuzambara Taylor Swift.
Havugwaga abahanzi batandukanye barimo Ed Sheeran na Travis Scott gusa bigiye kurangira ari uyu Munyamerikakazi w'imyaka 35 ariwe ugiyeho.
Ku mukino FC Barcelona iheruka kunyagiramo Real Madrid 4-0, iyi kipe yari yambaye itsinda rya Coldplay.
Abandi bamaze kwambarwa ku mwambaro FC Barcelona mu gihe yakinnye na Real Madrid ni Drake, Rosalia, Rolling Stones na Karol G.
Taylor Swift ashobora kuzambarwa na FC Barcelona ubwo izaba ikina na Real Madrid
FC Barcelona isanzwe yambara ikirango cya Spotify
Eng
RSS 
TANGA IGITECYEREZO