Messi yakuwe mu ikipe y’igihugu ya Argentina

Nyuma y’uwo mukino wabaye ku Cyumweru, Messi yagize ikibazo cy’imvune ku gice cy’imbavu (adductor muscle), nk’uko byemejwe n’ikipe ye. Mbere y’uyu mukino, yari yararuhutse imikino itatu, agaruka atsinda igitego mu mukino wa Concacaf Champions Cup batsinzemo Cavalier yo muri Jamaïca.

Ikipe y’igihugu ya Argentina iri ku mwanya wa mbere mu itsinda ryo gushaka itike y’Igikombe cy’Isi, irusha amanota atanu Uruguay iri ku mwanya wa kabiri, naho Brazil iri ku mwanya wa gatanu n’amanota arindwi inyuma. 

Argentina izakina imikino ibiri ikomeye, aho izasura Uruguay hanyuma yakire Brazil, izaba ishaka gutanga ubutumwa bukomeye.

Messi ni we mukinnyi umaze gutsinda ibitego byinshi muri iyi mikino yo gushaka itike aho afite ibitego bitandatu. Messi amaze gukinira Argentina imikino 191 ayitsindira ibitego 112.

Uretse Messi, Argentina izakina idafite Paulo Dybala wa AS Roma na Gonzalo Montiel wa River Plate, bombi bafite imvune. Ku ruhande rwa Brazil, nayo izakina idafite Neymar kubera imvune yo ku kibero.

Uyu mukino uzaba ari ingenzi ku ikipe ya Argentina ishaka kugera mu Gikombe cy’Isi cya 2026 kizabera muri Leta Zunze Ubumwe za Amerika, Canada na Mexico. 

Iyi mikino ibiri izatanga ishusho y’uko Argentina ishobora kugera muri iryo rushanwa ry’igikombe cy’Isi, aho amakipe atandatu ya mbere yo muri Amerika y’Epfo ahita abona itike, naho iya karindwi igakina imikino ya kamarampaka (play-offs).

Imvune Messi yagize ku mukino wa Atalanta United yatumye akurwa mu ikipe y'igihugu ya Argentina

Argentina iri kwitegura imikino ibiri yo gushaka itike yo gukina igikombe cy'isi cya 2026