Umutoza wa Manchester City akomeje guhatiriza ngo arebe ko yasubirana n'umugore we

Mu kwezi kwa Mbere muri uyu mwaka nibwo hagiye amakuru hanze ko uyu mutoza n'uyu wari umugore we bemeranyijwe gutandukana burundu imbere y'amategeko.

Byari nyuma y'uko bari bamaze imyaka 5 baba mu bihugu bitandukanye dore ko muri 2019 Cristina Serra yafashe umwanzuro wo kujya kuba muri Espagne agasiga Pep Guardiola mu Bwongereza. 

Kuri ubu nk'uko ikinyamakuru The Sun cyabyanditse, Pep Guardiola mu minsi yashize yagiye muri Espagne mu ibanga rikomeye agiye kureba uyu wahoze ari umugore. 

Bamaranye iminsi itatu ari mu rugo barikumwe n'abana babo baganira ku kuba bakongera gusubirana nk'umugabo n'umugore.

Pep Guardiola na Cristina Serra batangiye gukundana mu 1994 aho bahise banabana gusa mu 2014 nibwo bakoze ubukwe bwabereye my gace kari impande y'i Barcelona.

Bafitanye abana batatu aribo Maria w'imyaka 24, Marius w'imyaka 22 na Valentina w'imyaka 17. Cristina Serra ukomoka muri Brazil akaba asanzwe ari umunyamakuru ndetse n'umwanditsi,yagiye agaragara cyane ari kumwe na Pep Guardiola nk'aho mu 2023 yari Instanbul ari gushimira umugabo we wari umaze gutwara igikombe cya UEFA Champions League atsinze Inter Milan ku mukino wa nyuma.

Uyu mutoza yagiye akunda kugaruka kuri uyu mugore we cyane mu biganiro n'itangazamakuru nk'aho mu  2024 yigeze kuvuga ko ari mwiza ku Isi mu bijyanye n'imyambarire.

Pep Guardiola ari muri Espagne aho yari yagiye kureba umugore baheruka gutandukana 

Pep Guardiola ari gushaka uko yasubirana na Cristina Serra