Perezida Donald Trump yatangaje ko Venezuela yemeye kwakira abimukira

Iyi nkuru ibaye nyuma y'ibiganiro byabereye i Caracas hagati ya Maduro n'intumwa ya Trump, Richard Grenell, byakurikiwe no kurekurwa kw'Abanyamerika batandatu bari bafungiwe muri Venezuela. Ntabwo haramenyekana neza niba hari ibyo Maduro yahawe nk'ingurane yo kwemera kwakira abo bimukira, bashobora kuba bagera mu bihumbi amagana.

Trump yanditse kuri Truth Social ati: "Venezuela yemeye kwakira, ikanasubiza mu gihugu cyabo, Abanya-Venezuela bose binjiye muri Amerika mu buryo butemewe, harimo n'abagize itsinda rya Tren de Aragua," yongeraho ko Caracas yemeye "gutanga uburyo bwo kubacyura."

Abahagarariye umuryango w'Abanya-Venezuwela muri Florida y'Amajyepfo, bagaragaje impungenge kuri aya masezerano. Adelys Ferro, umuyobozi w'ihuriro ryabo  muri Amerika, yavuze ko aya masezerano azagira "ingaruka zikomeye ku nzira y'ubwigenge muri Venezuela no ku hazaza h'abaturage bayo  amagana akaba ashobora kwirukanwa.

Ferro yagaragaje ko abenshi mu bimukira b'Abanya-Venezuwela binjiye muri Amerika bafite impapuro z'uburenganzira bwo kuba no gukora, kandi ko bake muri bo ari bo bafite aho bahuriye n'ubugizi bwa nabi cyangwa amatsinda nka Tren de Aragua nk'uko tubikesha Miami Herald.

Nta ndege zacyuye abimukira muri Venezuela mu gihe cy'umwaka ushize, kubera umubano urimo agatotsi hagati y'ibihugu byombi. Izi ndege zahagaritswe nyuma y'uko Amerika yatangazaga ko izasubizaho ibihano kubera ko Venezuwela yari yanze ko abatavuga rumwe n'ubutegetsi ko ba kwiyamamariza kuyiyobora mu matora aheruka.

Kuva Trump yagaruka , ubutegetsi bwe bwatangaje ingamba nyinshi zigamije kuvugurura uburyo bwo kwinjira no gutura muri Amerika, harimo no guhagarika porogaramu y'ubuhungiro yahaye uburenganzira abimukira barenga 500,000 baturuka muri Nicaragua, Venezuela, Haiti na Cuba.