Antony wa Man United mu nzira yerekeza muri Real Betis

Iki ni igikorwa cyatunguye benshi, kuko Antony yari umwe mu bakinnyi bakomeye baguzwe na Manchester United muri Nyakanga 2022, aho yaguzwe miliyoni 82 z'amapawundi, ariko ntiyabashije kuzuza ibyo yari yitezweho.

Antony ntiyigeze akina neza mu ikipe ya Manchester United, kuko yatsinze ibitego 5 gusa mu mikino ya Premier League yakinnye kuva yagera muri Manchester United.

Uyu mukinnyi yashyizwe ku isoko muri uku kwezi kwa Mutarama ntiyabona ikipe imugura ariko Real Betis yo yagaragaje gukunda uyu mukinnyi ndetse bakabasha kumvikana n'ikipe ya Manchester United ariko bakaba bamushaka nk’intizanyo.

Amasezerano yasinywe hagati ya Real Betis, Antony, na Manchester United avuga ko Antony azayerekezamo mu gihe cy'amezi atandatu, ariko nta masezerano asobanura ko hazabaho kugurisha nyuma y'umwaka. 

Uyu mukinnyi azaba ari muri Espagne kugeza mu mpera z'uyu mwaka w'imikino, aho azagaruka muri Manchester United mu gihe kiri imbere.

Anthony wageze muri Man United aguzwe akayabo agiye gutizwa muri Real Betis