Abantu 8 bamaze guhitanwa n'indwara ya Marburg muri Tanzania: OMS yaburiye ibihugu byo mu karere

Mu itangazo ryashizwe ku rubuga rwayo, OMS yavuze ko ku wa 10 Mutarama 2025, yamenye amakuru yizewe avuga icyorezo cya Marburg cyari gikomeje gukwirakwira mu ntara y'uburengerazuba bwa Tanzaniya. Byavuzwe ko kugeza ku wa 10 Mutarama, abantu batandatu bari bamaze kwandura iyi ndwara, batanu muri bo bakaba barapfuye.

OMS yatangaje kandi ko ku wa 11 Mutarama 2025, abantu icyenda bari bamaze kwandura, umunani muri bo bakaba barapfuye, mu turere twa Biharamulo na Muleba. Iyi ndwara ikomeje gukwirakwira cyane, aho abarwayi bagaragaza ibimenyetso by’umutwe, ubushyuhe bukabije, kuribwa umugongo, gucibwamwo, gucika intege, ndetse no kuva amaraso mu bice bitandukanye by’umubiri.

Ikigo gishinzwe ubuzima muri Tanzania cyatangaje ko abari gukurikiranwaho iyi ndwara barimo n’abakozi bo mu buvuzi, bigaragaza akaga ko gukwirakwira kwayo mu mavuriro. Icyakora, inkomoko y’iyi ndwara ntiramenyekana neza, OMS ikaba ivuga ko hateganyijwe gukora ibipimo bishya.

Reta ya Tanzania kugeza ubu ntirashyira ahagaragara amakuru arambuye ku bijyanye n’iki cyorezo n'uko byifashe muri Tanzaniya, ariko ibikorwa byo gushakisha no gukurikirana abantu bose bafite aho bahuriye n’abanduye birakomeje. OMS ivuga ko hakenewe ubufatanye bw’ibihugu bituranye na Tanzaniya kugira ngo bifate ingamba ku buryo bwo kwirinda no gukumira ikwirakwira ry’icyo cyorezo.

Mu rwego rwo gukumira ikwirakwira ry’icyorezo cya Marburg, OMS isaba gukomeza uburyo bwo kugenzura abinjira n’abasohoka mu gihugu no gukurikirana imikorere y’amamodoka atwara abantu ndetse n’ibikorwa byo kugenzura ibigo by’abinjira n’abasohoka ku mipaka.

Icyi cyorezo cya Marburg cyagaragaye ku nshuro ya mbere mu gace Kagera muri Werurwe 2013, aho yateje impfu z’abantu batandatu. Mu mwaka wa 2024, iyi ndwara yagaragaye no mu Rwanda, aho abantu 65 banduye, 15 muri bo bakaba barapfuye. U Rwanda rwatangaje ko iki cyorezo cyashize mu gihugu nyuma yo gufata ingamba zikomeye.

OMS ikomeza gusaba ibihugu byose gukora ibishoboka byose kugira  ngo hamenyekane amakuru yizewe kandi hakomeze kwirindwa ikwirakwira ry’icyi cyorezo mu bihugu byo mu karere.