Jürgen Klopp watozaga Liverpool yavuze ko mu gihe Manchester City yahamwa n'ibyaha ishinjwa bikaba ngombwa ko hari ibikombe yakwa bigahabwa iyi kipe yatozaga, yakorera ibirori ku birwa bya Mallorca muri Espagne.
Guhera muri 2023, ikipe ya Manchester City ifite ibirego 115 bijyanye no kurenga ku mategeko y’ubukungu agenga umupira w’amaguru mu gihugu cy’u Bwongereza mu gihe cy’imyaka icyenda, guhera muri 2009 kugeza muri 2018.
Bivugwa ko mu gihe iyi kipe yaramuka ihamwe n'ibi byaha yafatirwa ibihano birimo kumanurwa muri shampiyona y'icyiciro cya kabiri mu Bwongereza ndetse hakaba hari n'ibikombe yakamburwa bigahabwa ikipe yabaga yabaye iya kabiri muri icyo gihe ibitwara ikaba ariyo ibihabwa.
Ibi biramutse bibaye Liverpool yahabwaga igikombe cyo mu mwaka w'imikino wa 2018-19 ndetse n'icya 2021-22.
Ejo, Jurgen Kloopp watoje ikipe ya Liverpool akaba yaratandakunye nayo mu mwaka ushize yabajijwe kuri iki kibazo, avuga ko mu gihe Man City yaramuka ihamwe n'ibi byaha ikamburwa bimwe mu bikombe bya Premier League, yakora ibirori akanatumira ababishaka bose.
Yagize ati "Twabiganiriyeho ubwo nagendaga. Ntabwo namaze igihe kinini i Mallorca kuko mpora njya hirya no hino. Ariko biramutse bibaye nabwira abantu bose bifuza kuza. Kwaba ari ugufata indege ikujyana i Mallorca gusa nazagura inzoga. Twakora parade yacu mu busitani bwanjye".
Jurgen Kloopp kandi yabajijwe kuri Trent Alexander Arnold, Virgir na Mohammed Salah batari bongera amasezerano mu ikipe ya Liverpool, avuga ko yakwishimira bose kubabona bayongereye. Yavuze ko yizeye kubona Mohamed Salah we ahaguma anavuga ko ariwe rutahizamu mwiza kurusha abandi muri ibi bihe bigezweho.
Muri 2015 ni bwo uyu mutoza yatangiye gutoza Liverpool, atwarana nayo ibikombe birimo Champions League, Premier League ndetse na FA Cup.
Jurgen Kloopp yakoresha ibirori mu gihe Manchester City yaramuka yambuwe ibikombe bimwe bigahabwa Liverpool
Eng
RSS 
TANGA IGITECYEREZO