Ikipe ya APR FC yasinyishije rutahizamu w’Ikipe y’Igihugu ya Burkina Faso, Djibril Ouattara waherukaga gutandukana n'ikipe ya JS Kabylie yo muri Algeria.
Nk4uko amakuru abivuga, uyu mukinnyi yasinye amasezerano y'imyaka 2 mu ikipe y'Ingabo z'igihugu.Djibril Ouattara wifuzwaga n'andi makipe arimo Ittihad Tanger yo muri Maroc, yatangiye gukina ruhago ahereye mu ikipe ya Vitesse FC y'iwabo muri Burkina Faso.
Mu 2017 yahise yerekeza mu ikipe ya ASF Bobo Dioulasso ,mu 2018 ahita ayifasha kwegukana igikombe cya shampiyona nyuma yo kuyitsindira ibitego 15.
Nyuma yo kwitwara neza muri uyu mwaka yahise yerekeza mu ikipe ya RS Berkane yo muri Maroc anatwarana nayo ibikombe birimo icya Confederation Cup ya 2019/20,icya CAF Super Cup mu 2020 ndetse n'igikombe cy'igihugu cya Morocco cya 2020-21 na 2021-22.
Ubwo yari muri iyi kipe ariko mu 2021 yaje no gutizwa mu ikipe ya OC Safi nayo yo muri Maroc aho yayikiniye imikino 23 gusa mu gihe kitageze ku mwaka yamazemo.
Mu mpeshyi y'umwaka ushize wa 2024 ni bwo yerekeje muri JS Kabylie yo muri Algeria ayisinyiye amasezerano y'imyaka 3 gusa muri uku kwezi kwa Mbere aza gutandukana nayo.
Djibril Ouattara yatangiye gukinira ikipe y'igihugu ya Burkina Faso guhera mu 2018 aho kugeza ubu amaze kuyikinira imikino 15 akaba yaratsinzemo ibitego 2.
Eng
RSS 
TANGA IGITECYEREZO