Umukobwa w’imyaka 12 birakekwa ko yiyahuye nyuma yo gutekereza ko atarimo guhabwa agaciro ku kirego cye

Umukobwa witwa Semina Halliwell w’imyaka 12 yitabye Imana nyuma yo gufata ibinini byo kwa muganga byari byarandikiwe nyina, nyuma yo kuvuga ko yasambanyijwe ku ngufu ariko akumva adahawe agaciro n’inzego z’umutekano nk’uko byagaragajwe n’urubanza rwabereye i Bootle, Merseyside.

Semina yitabye Imana tariki ya 12 Kamena 2021, hashize iminsi itatu afashe ibyo binini mu rugo iwabo i Southport. Nyina, Rachel Halliwell yavuze ko uyu mwana yari abayeho yishimye, ariko yatangiye kwiyangiza nyuma yo gutangira kwiga muri Stanley High School "Girl 12 sexual assault allegation inquest".

Muri Werurwe 2021, Semina yabwiye nyina ko yasambanyijwe muri Mutarama uwo mwaka. Nyuma y’uko abimenyesheje polisi, Semina yaje kwikura mu iperereza kuko yumvaga adahawe agaciro. 

Nyina yavuze ko Semina "yahohotewe inshuro eshatu, kuba yari yabwiwe gutegereza hagati y'amezi 18 n'imyaka 2 bitagakwiye kubwirwa umwana w'imyaka 12 byongeye wahohotewe".

Nyuma yo gutanga ikirego kandi yari afite “autism” ihuriro ry’uburwayi bw’imitekerereze n’imyitwarire rizwi nka Autism Spectrum Disorder (ASD). 

Semina yari yiteguye guhatwa ibibazo n’abapolisi muri Kamena, ariko ibintu byari bikomeye cyane ku ishuri n’iwabo mu rugo. Mbere y’uko afata ibinini, yabwiye nyina ati: "Ndambiwe ibi byose."

Yajyanywe mu bitaro bya Alder Hey i Liverpool, aho yapfuye nyuma y’iminsi itatu. Muganga Mark Deakin yavuze ko Semina yamubwiye ko yicuza kuba yarafashe ibinini ariko yari agerageje guhunga ibibazo.

Urubanza rurakomeje, kandi imiryango itanga ubufasha kubahohotewe irasaba kwitabazwa kuri telefone ziboneka mu gihugu hose.