Amakipe yo muri Shampiyona ya Sudani yongeye gukinira muri iki gihugu nyuma yuko imikino yari yarahagaze bitewe n'ibibazo by'umutekano mucye aho ingabo z’igihugu z'iri mu ntambara n’umutwe witwaje intwaro wa RSF.
Iyi mikino ya shampiyona yakinwe mugoroba wo ku munsi wejo kuwa Gatanu, tariki ya 10 Mutarama 2025 aho yakiniwe mu minmjye ine ya Sudani ariyo; AlGaderef, Kosti, Dongola na Atbara.
Nubwo iyi mikino yagarutse ariko yasanze hari amakipe yagiye gukina mu zindi shampiyona aho Al Hilal na Al Merrikh zagiye muri Maurtania.
Ibi bibaye kandi nyuma yuko ikipe y'igihugu ya Sudani iheruka kubona itike y'imikino y'igikombe cy'Afurika cya 2025 kizabera muri Morocco.
Icyo gihe umutoza w'iyi kipe y'igihugu,James Kwesi yari yavuze ko umupira w’amaguru uri mu bizakemura ibibazo umutekano ukaba wagaruka muri iki gihugu.
Muri Sudani intambara yatangiye mu 2023 ikaba imaze gutwara ubuzima bw’abantu barenga ibihumbi 24, abagera kuri miliyoni 11 bavuye mu byabo mu gihe abagera kuri miliyoni eshatu bakaba barahunze.
Umupira w'amaguru waherukaga kuhakinirwa muri iki gihugu tariki ya 15 Mata 2023.
Umupira w’amagaru wongeye gukinirwa muri Sudani nyuma y'iminsi 635
Eng
RSS 
TANGA IGITECYEREZO