Ibibazo bikomeye birimo kudahabwa amazi meza yo kunywa, kutabona ubuvuzi buhagije, isuku nke, inzara, cyane cyane ku bana bato, abagore n’impinja, byagaragajwe na UNICEF nk’intandaro y’imirire mibi ikabije muri Sudani.
Abana bagera kuri miliyoni 3.2 bafite imyaka iri munsi y’itanu muri Sudani yugarijwe n’intambara hagati y’abategetsi babiri Abdel Fattah al-Burhan uri kubutegetsi na Mohamed Hamdan Dagalo (Hemeti) uyoboye inyeshyamba za (RSF), bari mu kaga k’imirire mibi ikabije, nk’uko bitangazwa n’Ishami ry’Umuryango w’Abibumbye ryita ku Bana (UNICEF).
Mu itangazo ryatanzwe na Eva Hinds, ushinzwe kwamamaza no gutanga amakuru muri UNICEF muri Sudani, ku wa Kane nimugoroba, yavuze ko muri abo bana, 772,000 bafite ibyago bikomeye byo guhura n’imirire mibi y’akataraboneka, bikaba aribyo bihe bikomeye kandi ikaba ifite ingaruka z’ubuzima zirenga urugero.
Raporo ya vuba yatanzwe n’ihuriro mpuzamahanga ry’Umutekano w’Ibiribwa (IPC)”Intergarated Food Security Phase Classification” ivuga ko inzara yageze mu turere dutanu twa Sudani.
Ubuyobozi bwa IPC buteganya ko utu turere tuzongerwa ho utundi dutanu two mu gace ka Darfur y’Uburengerazuba bitarenze mukwezi kwa Gicurasi, aho ubu hakomeje kubera urugomo rukabije.
Sudani imaze imyaka 20 iri mu ntambara hagati y’igisirikare cya Leta n’umutwe w’Ingabo za RSF (Rapid Support Forces), intambara yahitanye abantu ibihumbi n’ibihumbi, itera impunzi miliyoni 12, ndetse isunika igihugu mubihe by’inzara ikabije.
Leta y’igisirikare cya Sudani yamaganye raporo zigaragaza inzara, mu gihe imiryango yita ku butabazi itangaza ko inzitizi zirimo guhisha amakuru n’urugomo biri gukoma mu nkokora ibikorwa by’ubutabazi.
Eng
RSS 
TANGA IGITECYEREZO