Umukinnyi ukomoka mu gihugu cya Uruguay usanzwe ukinira ikipe ya Inter Miami yo muri Leta Zunze Ubumwe za Amerika, Luis Suarez yatabaye ubuzima bw'umugabo washakaga kwiyahura.
Kuwa Gatandatu w'icyumweru gishize ubwo uyu mukinnyi yari mu biruhuko n'umugore we Sofia Balbi barimo batembera mu gace ka Ciudad de la Costa gaherereye Canelones muri Uruguay, ubwo bari bageze muri aka gace basanze hari umugabo w'imyaka 49 yuriye igiti cya metero 6 avuga ko agiye kwiyahura mu gihe atabonye umugore we ahongaho.
Aho hari abaturage baturanye n'uyu mugabo bamwinginga ngo areke kwiyahura gusa yabyanze ariko Luis Suarez ahageze aramuganiriza birangira abyemeye amanuka mu giti areka kwiyahura gutyo.
Nyuma yuko uyu mugabo afashe umwanzuro wo kureka kwiyahura bigezwemo uruhare n'uyu mukinnyi, yahise ajyanywa aho aganiririzwa ngo harebwe niba nta bibazo byo mu mutwe yaba afite.
Luis Suarez ukinira Inter Miami ari mu biruhuko nyuma yuko umwaka w'imikino muri Leta Zunze Ubumwe za Amerika warangiye aho uwa 2025 wo uzatangira mu kwezi kwa 2.
Luis Suarez yatabaye ubuzima bw'umugabo wari ugiye kwiyahura
Eng
RSS 
TANGA IGITECYEREZO