Cubana Chief Priest ufatwa nk'umwami w'ibitaramo muri Nigeria yakije umuriro kuri Burna Boy

Ibi byabaye nyuma y'uko Burna Boy yari yise Cubana Chief Priest "Owerri Rick Ross" ku rubuga rwa Instagram, ibintu byakururiye impaka mu bakurikira imyidagaduro ya Nigeria. Uyu muririmbyi wamenyekanye cyane ku ndirimbo “Last Last” yabwiye Cubana Chief Priest amagambo yumvikanisha ko yamusuzuguye cyane, avuga ko amufiteho ishusho nk'iya Rick Ross, umuririmbyi ukomeye muri Amerika.

Ikintu cyatumye ibintu bihinduka ni igihe Burna Boy yandikaga amagambo kuri Instagram, aho yasuzuguraga Cubana Chief Priest. Mu butumwa bwe, Burna Boy yavuze ko uyu musore w’imyidagaduro ari "Owerri Rick Ross", akaba yari agerageje kumuseka no kumusuzugura.

Ibi byatumye Cubana Chief Priest atavangirwa kuko yahise asubiza atabanje gutega amatwi, yifashishije urukuta rwe rwa Instagram, aho yanditse amagambo akomeye asubiza Burna Boy.

Cubana Chief Priest yavuze amagambo akomeye asubiza Burna Boy, nyuma y'uko uyu muhanzi atangarije ko Burna Boy afite ibibazo byo mu mutwe.

Mu mvugo ye, Cubana Chief Priest yashatse kwerekana ko Burna Boy ari umuntu ukora ibintu atitaye ku ngaruka z’ibyo ahura nabyo, ndetse ko abanza kugerageza guhangana n’ibibazo bye mu buryo budahuye n’ibyo abandi bakeneye kugira ngo bagere ku byiza, nka Grammy.

Ibyo yavuze bijyanye n’"inzira yihuse ya PTSD" byumvikana ko yashakaga kuvuga ko Burna Boy ashobora kuba atabona ibisubizo by’ibibazo bye mu buryo bworoshye cyangwa bwihuse.

Muri make, Cubana Chief Priest yagaragaje ko ibihembo nka Grammy bidasaba gusa gukora ibintu gusa uko ubishaka, ahubwo bisaba kwitonda no kwita ku buzima bwawe bwose, haba mu by’umutwe, umubiri, no mu mibanire n’abandi.

Aha yavugaga ko igihembo cya Grammy Burna Boy yatsindiye gishobora kuba cyaratewe n’ubufasha bwa P-Diddy, aho kubikura ku bushobozi bwe bwite. Cubana Chief Priest kandi yagiye anenga uburyo Burna Boy yerekana ko ari umutunzi, ariko akomeza kwerekana ko afite ibibazo byo kwishyura ibintu bikomeye, nk'imodoka n'imitako n'ibindi.

Yabajije kandi uburyo umuntu ushobora kuba afite ibintu byose, ariko akagira ubuzima bubi bwuzuyemo agahinda, ashimangira ko Burna Boy, nubwo afite imodoka n’imyambarire bihambaye, afite ibibazo by’imari, bituma atishimira ibyo yagezeho.

Muri izo mvugo, Cubana Chief Priest yaje kandi kuvuga n’amagambo yibutsa Burna Boy uburyo yamwishyuye amafaranga make mu 2018 kugira ngo akore nk'umuhanzi wunganira ku munsi we w'amavuko. Ibi byatumye Cubana ashimangira ko Burna Boy atari nk'uko yifata, kuko ibyo yakoze mu bihe byashize bigaragaza ko yari mu bihe bikomeye.

Mu butumwa bwe, Cubana Chief Priest yashimangiye ko Burna Boy akomeza kubabazwa no kuba yatsindiye igihembo cya Grammy ariko agahora ahangayitse, avuga ko umuryango w'ibyo byose ushobora gusubira inyuma.

Yavuze ko mu gihe cy’imyaka itatu, Burna Boy atazakomeza kugira imodoka za Bugatti nk'uko abikora ubu, atanga urugero rw’uko ibintu bishobora guhinduka igihe kirekire. Yashimangiye ko, nubwo Burna Boy yagerageza kwerekana ko ari umutunzi, hari byinshi atarashoboye.

Buri gihe, abakurikira imbuga nkoranyambaga mu gihugu cya Nigeria batanga ibitekerezo bitandukanye ku makimbirane hagati ya Burna Boy na Cubana Chief Priest, bakaba bari gutegereza uko ibintu bizagenda hagati yabo.

Kuri ubu, amahuriro y'aba bahanzi n'abantu bakomeye mu ruganda rw'imyidagaduro ya Nigeria arakomeje, bikaba byitezwe ko hazabaho ukundi guhangana hagati yabo, maze tugategereze icyo bizatanga mu bihe biri imbere.

Cubana Chief Priest, umwami w’ibitaramo muri Nigeria yibasiye Burna Boy