Ahabanza Imikino

Premier League: Liverpool yacitse Manchester United yari yasuzuguwe

Yanditswe na: Aloys Niyonyungu
Taliki:5/01/2025 22:41 0

Ikipe ya Liverpool yanganyije na Manchester United yari yasuzuguwe mu mukino wo ku munsi wa 20 wa shampiyona y'icyiciro cya mbere mu Bwongereza.

Ni mu mukino wakinwe kuri iki Cyumweru Saa Kumi n'Ebyiri n'iminota 30 kuri Anfield Stadium.

Umukino watangiye ikipe ya Liverpool ariyo ihererekanya umupira neza gusa kugera imbere y'izamu bikaba ikibazo bijyanye n'uko aabakinnyi ba Manchester United nabo babaga barigakinisha imbaraga nyinshi kugira ngo bashake umupira.

Ku munota wa 14 Liverpool yabonye uburyo bwa mbere buremereye imbere y'izamu ku mupira mwiza Luis Diaz yarahaye Cody Gakpo nawe aroba Andre Onana gusa umupira uragenda unyura impande y'izamu gato cyane.

Kevin ku munota wa 20 Manchester United yabonye uburyo bwa mbere imbere ku mupira mwiza Diogo Dalot yarahinduye imbere y'izamu maze Amad Diallo agiye gushyiraho umutwe nti byamukundira.

Umukino wakomeje amakipe yombi abona uburyo imbere y'izamu gusa kububyaza umusaruro bikaba ingorabahizi.

Mbere y'uko umukino urangira Manchester United yarase igitego ku mupira mwiza Bruno Fernandes yari ahaye Rasmus Hojlund gusa arekuye ishoti rikubita mu maguru ya Allison Backer.

Mu gice cya Kabiri Manchester United yaje ikomeza gusatira maze ku munota wa 52 Lisandro Martinez afungura amazamu ku mupira yari ahawe na Bruno Fernandes.

Bidatinze ku munota wa 59 ikipe ya Liverpool nayo yaje kubona igitego cyo kwishyura gitsinzwe Cody Gakpo ku mupira yarahawe na Alexis Mac Allister.

Arne Slot yaje gukora impinduka mu kibuga akuramo Luis Diaz na Curtis Jones hajyamo Darwin Nunez na Diogo Jota.

Ku munota wa 70 Liverpool yabonye penaliti ku mupira Diogo Jota yari ashyize ku mutwe maze Matthijs de Light akozaho intoki.

Yatewe na Mohammed Salah ayishyira mu nshundura igitego cya kabiri kiba kirabonetse.

Ku munota wa 80 Manchester United yatsinze igitego cyo kwishyura ku mupira Alejandro Garnacho wari winjiye mu kibuga asimbuye yari ahaye Amad Diallo nawe awushyira mu nshundura.

Mbere y'uko umukino urangira Harry Maguire yarase igitego cyabazwe ku mupira yarahawe na Joshua Zirkzee arekura ishoti riragenda rinyura hejuru y'izamu kure.

Umukino warangiye amakipe yombi anganyije ibitego 2-2, Liverpool ikomeza kuba ku mwanya wa mbere n'amanota 46 naho Manchester United yo ijya ku mwanya wa 13 n'amanota 23.