Ahabanza Ubukungu

Umunyemari Dangote yatangiye 2025 ayoboye urutonde rw'abaherwe ba Afurika

Yanditswe na: Brenda MIZERO
Taliki:3/01/2025 14:46 0

Umunyemari w’Umunya-Nigeriya, Aliko Dangote ni we uza ku mwanya wa mbere mu batunze agatubutse ku mugabane wa Afurika muri izi ntangiriro z’umwaka wa 2025.

Umuherwe wa mbere muri Afurika, Umunya-Nigeria Aliko Dangote yongeye guca agahigo ko gutangira umwaka wa 2025 ayoboye abaherwe bagenzi be bo muri Afurika, aza ku mwanya w'198 ku Isi.

Mu mpera z’umwaka ushize, uyu muherwe utunze agera kuri miliyari 11.5 z'amadolari, yahawe n’igihugu cye uburenganzira bwo gucuruza amavuta akoreshwa mu ndege ntoya imbere mu gihugu, ayo mavuta akaba akorwa n’uruganda rwe Dangote Refinery rwafunguwe mu 2023.

Ibi ni ibyaje byiyongera ku amasezerano Nigeria yagiranye n’uruganda Dangote Refinery ateganya ko izajya igura umusaruro warwo na yo ikawugurisha ku bawushaka.

Uruganda rwa Dangote Refinery ni rwo runini mu zitunganya peteroli muri Afurika, aho rufite ubushobozi bwo gutunganya utugunguru twa peteroli dusaga ibihumbi 650 ku munsi.

Urutonde rwakozwe na Forbes rwasohotse kuri uyu wa Gatanu tariki 3 Mutarama 2025, ruragaragaza ko Dangote yakurikiwe na Johann Rupert ukomoka muri Afurika y'Epfo n'umuryango we batunze Miliyari 11.1 z'amadolari.

Ni mu gihe mu bandi baje kuri uru rutonde, harimo Nicky Oppenheimer n'umuryango we bo muri Afurika y'Epfo, Nassef Sawiris wo muri Egypt, Nathan Kirsh wo muri Eswatini, Mike Adenuga wo muri Nigeria n'abandi.

Dore abantu 10 bakize cyane muri Afurika n’imyanya bariho ku Isi muri izi ntangiriro za 2025:

Rank	Name	Country	Net worth	Global rank
1.	Aliko Dangote	Nigeria	$11.5 billion	198th
2.	Johann Rupert & family	South Africa	$11.1 billion	205th
3.	Nicky Oppenheimer & family	South Africa	$9.5 billion	268th
4.	Nassef Sawiris	Egypt	$7.7 billion	367th
5.	Nathan Kirsh	Eswatini	$7.3 billion	393rd
6.	Mike Adenuga	Nigeria	$6.8 billion	445th
7.	Abdulsamad Rabiu	Nigeria	$4.9 billion	682nd
8.	Naguib Sawiris	Egypt	$3.8 billion	899th
9.	Mohamed Mansour	Egypt	$3.3 billon	1044th
10.	Koos Bekker	South Africa	$2.9 billion	1167th