Fulham yigaranzuye Chelsea, Newcastle na Nottingham nazo zitwara neza kuri Boxing Day

Chelsea 1-2 Fulham

Ku kibuga cya Stamford Bridge, Chelsea yahuye n’akaga imbere ya Fulham mu mukino waranzwe no guhangana gukomeye. 

Chelsea ni yo yafunguye amazamu ku munota wa 16, igitego cyatsinzwe na Cole Palmer ku mupira mwiza yahawe na Levi Colwil. Iki gitego cyazamuye icyizere mu bafana ba Chelsea.

Gusa ibyishimo ntibyatinze kuko Fulham yaje kwishyura ku munota wa 82, igitego cya Harry Wilson, cyaje kugarura umukino mu buryo buteye amatsiko. 

Mu minota y’inyongera, Fulham yahise ishimangira intsinzi ku gitego cya Rodrigo Muniz ku munota wa 90+5, umukino urangira ari 2-1. Iyi ntsinzi yahise izamura amanota ya Fulham agera kuri 26, mu gihe Chelsea yagumye ku manota 36.

Newcastle United 3-0 Aston Villa

Ku kibuga cya St. James’ Park, Newcastle United yerekanye imbaraga mu mukino wayihuje na Aston Villa. Anthony Gordon yafunguye amazamu ku munota wa 2, mu gihe Alexander Isaak yaje gushimangira intsinzi ku munota wa 59. 

N’ubwo Bruno Guimarães yabuze penaliti ku munota wa 81, Newcastle ntiyacitse intege kuko ku munota wa 90+1, Joelinton yatsinze igitego cya gatatu cyashimangiye intsinzi.

Aston Villa ntiyorohewe muri uyu mukino kuko umukinnyi wayo John Duran yahawe ikarita y’umutuku ku munota wa 32, bituma basigara ari 10. Newcastle yahise igira amanota 29, mu gihe Aston Villa yo yagumye ku manota 28.

Nottingham Forest 1-0 Tottenham

Ku kibuga cya City Ground, Nottingham Forest yatsinze Tottenham igitego kimwe cyatsinzwe na Anthony Elanga ku munota wa 28. N’ubwo Tottenham yakoze ibishoboka byose ngo igaruke mu mukino, ba myugariro ba Nottingham bakoze akazi gakomeye, umukino urangira ari intsinzi y’igitego 1-0.

Umunsi wa Boxing Day wahaye abakunzi b’imikino byinshi byo kuganiraho, ahanini bitewe n’ibyabereye ku kibuga cya Stamford Bridge na St. James’ Park.

Chelsea yananiwe kwikura mu nzara za Fulham

Newcastle United yihanangirije Aston Villa