Abarimu 6 bahanwe nyuma y'uko umwana w’imyaka 13 aguye mu muferege w’amazi agapfa

Mu gihe cy’iminsi ibiri nyuma y’uko umwana w’umuhungu w’imyaka 13 yishwe n'inkubiri y’amazi  nyuma yo kugwa mu muferege mu karere ka Bhatkal, mu ntara ya Uttara Kannada yo muri Karnataka, hashyizweho ibihano ku barezi batandatu bakekwaho kutita ku mutekano w'abana bari ku rugendo rw’ishuri.

Amakuru avuga ko ishuri ryari ryajyanye abanyeshuri 100 n’abarezi 11 ku rugendo mu gace ka côte ya Karnataka. Ku mugoroba wo kuwa  Gatanu, ubwo amato abiri yari aruhutse kugira ngo abanyeshuri baruhuke gato, Nirupadi Biradar, umwana wiga mu mwaka wa 8, yamanutse hasi agiye kwiherera maze agwa mu muferege w’amazi.

Srishail Biradar, umuyobozi wungirije w’uburezi mu karere, yatumye umuyobozi w'ishuri Hanumesh Bellad n'abarezi batanu bo muri icyo kigo bahagarikwa ku wa Gatandatu kubera kutita ku mutekano w'abana. Aba barimu ni Shivakumar Avasangarad, Nagaraj Shettar, Amaresh Ballari, Iramma Badiger na Padmavati Pawar.

Leta ya Karnataka mu Buhinde, yatangaje ko izatanga amafaranga y’indishyi angana na miliyoni eshanu z’amafaranga y’u Rwanda ku muryango w’umwana wishwe. Ku wa Kabiri, umuyobozi w’ishyaka rya BJP muri aka karere, Naveen Kumar Gulagannavar, yasabye imbabazi umuryango w’umwana wapfuye.

Ibi byateje impaka ku bijyanye n’umutekano w’abana bari mu rugendo rw’ishuri, by’umwihariko ku bikorwa byo gusura ahantu hatandukanye, cyane ko hakwiye kwitabwaho ku buryo bwose ko abana badasabwa kugenda mu bice bifite ibyago.

Src: Indiatimes.com

Umwanditsi: TUYIHIMITIMA Irene