Mariah Carey watwaye ibihembo bisumba ibindi mu muziki ku Isi, Grammy Awards, hashize imyaka hafi 30 asohoye indirimbo ye izwi cyane yitwa “All I Want For Christmas Is You”, kuri ubu ikomeje kwamamara ku isi yose, ikamwinjiriza hagati ya Miliyoni $2.5 na Miliyoni $3 buri mwaka atigeze akora na gato.
Indirimbo "All I Want For Christmas Is You" ya Mariah Carey yo mu 1994, yaciye agahigo kuri Play Lists z’iminsi mikuru ku isi hose, ikaba yarashimangiye umwanya wayo mu mateka y’umuziki nk'imwe mu ndirimbo z’iminsi mikuru zigurishwa cyane igihe cyose.
Mu 2017, The Economist yatangaje ko uyu muhanzikazi w'imyaka 55 yinjije Miliyoni $60 mu mafaranga yasaruye mu burenganzira bwo gucuruza iyi ndirimbo (Copyright) hagati ya 1994 na 2016, bivuze ko yinjizaga Miliyoni $2.6 buri mwaka z’amadorari [ararenga 3,589,856,660 Frw).
Buri mwaka mu kwezi k'Ukuboza, iyi ndirimbo ya Mariah Carey izamuka ku rutonde rw'indirimbo zikunzwe cyane muri Amerika, akenshi ikaba igaruka ku mwanya wa mbere kuri Billboard Hot 100.
Mariah Carey ari kwinjiza amafaranga menshi cyane kubera indirimbo imaze imyaka 30
Umwanditsi: Aline Rangira Mwihoreze
Eng
RSS 
TANGA IGITECYEREZO