Urukundo ruravuza ubuhuha hagati ya Marcus Rashford n’ikizungerezi Grace Jackson-AMAFOTO

Aya makuru akomeje gukurura amarangamutima y’abakunzi ba ruhago n’abanyamideli, aho benshi bashaka kumenya byinshi kuri uru rukundo rwatangiye rwihishwa.

Biravugwa ko Marcus Rashford na Grace Jackson bamaze amezi menshi bakundana mu ibanga rikomeye. Nk’uko umwe mu nshuti zabo yabitangarije itangazamakuru, aba bombi bamaze igihe bahurira mu duce twa Cheshire, aho batembereye bakanagirana ibihe byiza.

Inshuti yabo yagize iti: “Marcus na Grace bamaze igihe kinini bahura rwihishwa. Bafitanye byinshi bahuriyeho kandi barahuza cyane.”

Grace Jackson, uzwi cyane kubera kugaragara muri Love Island 2024, yari yaramenyekanye ko akundana n’abakinnyi b’umupira w’amaguru. Yavuye muri iryo rushanwa ari kumwe na Reuben Collins, ariko ibyabo byarangiye vuba. 

Nyuma yo gutandukana na Reuben, biravugwa ko Grace yahise ajya mu rukundo n’icyamamare Marcus Rashford, ndetse ubu ari kumva ntahandi yajya.

Marcus Rashford yari amaze igihe nta mukuzi afite, nyuma yo gutandukana n’umukunzi we wa cyera, Lucia Loi bapfa ko Rashford akunda gutanga amafaranga ye ayafashisha abababaye. Kuri ubu, amakuru avuga ko Marcus na Grace bamaze igihe bari kumwe kandi urukundo rwabo rumeze neza.

Nubwo batigeze bagaragaza ku mugaragaro ko bakundana, amakuru ahamya ko Grace amaze guhinduka umwe mu bantu b’ingenzi muri Manchester, aho akora nk’umwe mu bamamaza ku mbuga nkoranyambaga (influencer) nyuma ya Love Island.

Biravugwa ko Grace Jackson ashobora kuba ahanganye n’icyemezo gikomeye cyo kwitabira Love Island All Stars mu ntangiriro z’umwaka utaha. Hari amakuru avuga ko yahawe ubutumire bwo kujya muri iki gice gishya, ariko niba azakomeza gukundana na Marcus, birashoboka ko yahitamo gushyira imbere urukundo rwe ntiyitabire ayo marushanwa y’imideli.

Umuvugizi wa Grace yavuze ko bakibitekerezaho ati: “Twahawe ubutumire bwo kwitabira All Stars kandi turi kureba amahitamo yose dufite.”

Umunyamideli Grace Jackson yagaragaye mu iserukiramico rya Loce Island

Marcus Rashford ari kuvugwa mu rukundo n'ikizungerezi Grace Jackson

Marcus Rashford biravugwa ko amaze igihe mu rukundo na Grace Jackson, ariko bakaba babishyize hanze vuba

Amafoto agaragaza ubwiza bw'umukunzi mushya wa rutahizamu Marcus Rashford