NBA: Los Angeles Lakers na Gorden State Warriors zatunguwe zirakubitwa- VIDEO

Nikola Jokic yigaragaje cyane mu mukino wa Denver Nuggets na Los Angeles Lakers, atsinda amanota 34 akora Rebounds 13.

Jokic yifashishije imbaraga z'abakinnyi bagenzi be nka Michael Porter Jr. nawe watsinze amanota 24 na Jamal Murray atsinda 14 kugira ngo Nuggets itsinde Lakers 127-102.

Mu gice cya Kabiri, Nuggets yatsinze Lakers 70-39, aho umutoza Michael Malone yishimiye uko abakinnyi bitwaye.

Umukino wa Lakers n’ikipe ya Denver usanzwe ufite amateka akomeye, aho Nuggets yatsinze imikino 13 muri 14 imaze kuyahuza.

Mu yindi mikino ubwo Milwaukee Bucks yakinaga, Giannis Antetokounmpo yatsinze amanota 32 naho Damian Lillard atsinda 31, bituma Bucks itsinda Charlotte Hornets 125-119.

Iyi ntsinzi yatumye Milwaukee ikomeza mu mwuka mwiza nyuma y'intsinzi enye zikurikiranya. Umukinnyi Lillard yavuze ko nyuma yo gutangira nabi umwaka, bakomeje gukina neza kurushaho, ku rwego rw'ubushobozi bwo gukora neza mu busatirizi.

Victor Wembanyama wa San Antonio Spurs yatsinze amanota 25, afasha ikipe ye mu gutsinda Golden State Warriors amanota 104-94. 

Ni intsinzi ikomeye kuko San Antonio yatsinze Warriors, bakaba bari imbere muri mu Burengerazuba.

Abakinnyi ba Warriors ntabwo bitwaye neza muri uyu mukino  kuko uwatsinze amanota menshi ni 20 ya Andrew Wiggins na 14 ya Stephen Curry.

Mu yindi mikino yakinwe kuri iki cyumweru Utah Jazz yatsinze New York Knicks 121-106, Memphis Grizzlies yabashije gutsinda Chicago Bulls 142-131, aho Scotty Pippen Jr., umuhungu wa Scottie Pippen nawe wamamaye muri NBA, yatsinze amanota 30, afasha Utah Jazz gutsinda Bulls.

Orlando Magic yatsinze Detroit Pistons 111-100, ikomeza gukora neza mu rugo. Portland Trail Blazers yatsinze Houston Rockets 104-98, aho Anfernee Simons yatsinze amanota 25 mu gihe Shaedon Sharpe yatsinze 24.

">

">

">

  ">