Ikipe ya Brussia Dortmund yo mu Budage yitegura gukina na Real Madrid mu mikino ya UEFA Champions League, yanze gukorera imyitozo ku kibuga cya Real Madrid kugira ngo Real itohereza intasi zijya gukopera amayeri ari mu myitozo.
Ku mugoroba wo kuri uyu wa mbere itariki 21 Ukwakira 2024 ni bwo ikipe ya Brussia Dortmund yahagurutse i Dortmund yerekeza mu murwa mukuru wa Espagne, Madrid aho igiye gukina na Real Madrid mu mikino y’umunsi wa gatatu muri UEFA Champions League.
Mbere y’uko iyi kipe ihaguruka mu Mujyi wa Dortmund, yavuze ko imyitozo yayo ya nyuma yayikoreye ku kibuga cyayo nta yindi myitozo
izakorera ku kibuga cya Real Madrid kugira ngo iyo kipe yo mu bwami bwa Espagne
itohereza intasi zo kujya gukopera amayeri ari mu myitozo ya Brussia Dortmund.
Umukino wa Brussia Dortmund na Real Madrid uraza kuba kuri
uyu wa Kabiri ni umukino usobanuye byinshi muri UEFA Champions League cyane ko
ari amakipe aheruka guhurira ku mukino wa nyuma, ubwo warangiye Real Madrid yigaranzuye
Brussia Dortmund ikayitwara igikombe.
Real Madrid irakina na Brussia Dortmund kuri uyu wa kabiri,
iraba iri mu mwuka mwiza cyane kubera ko mu mpera z’iki cyumweru kirangiye
yabonye amanota atatu itsinze Celta Vigo ibitego 2-1 muri shampiyona ya Espagne.
Umukino wa Brussia Dortmund kandi ni umukino Real Real
Madrid yakaniye cyane kuko kugeza ubu ntabwo ihagaze neza ku rutonde rw’uko
amakipe akurikirana muri iri rushanwa, kuko iri ku mwanya wa 17 kuko mu mukino
wa kabiri yatsinzwe na Lille bituma ihagarara nabi ku rutonde rwa UEFA
Champions League 2024-25.
Mu gihe Real Madrid yo ihagaze nabi mu mikino ya Uefa
Champions League, Brussia Dortmund yo idashaka ko imyitozo yayo ikoperwa
ikimino ibiri imaze gukina yayitwayemo neza irayitsinda.
Ikipe ya Brussia Dortmund yanze gukorera imyitozo ku kibuga cya Real Madrid ngo itabakoperera imyitozo
Brussia Dortmund ni imwe mu makipe ahagaze neza muri UEFA Champions League 2024-25
TANGA IGITECYEREZO