Liverpool yatsibuye Chelsea ikomeza gushimangira umwanya wa mbere

Ni mu mukino wakinwe kuri iki Cyumweru tariki ya 20 Ukwakira 2024 Saa Kumi n'Imwe n'iminota 30 kuri Anfield.

Umukino watangiye ikipe ya Liverpool ariyo ihererekanya umupira neza gusa kuba yagira aho imenera ngo igere imbere y'izamu bikaba aribyo biba ikibazo.

Ku munota wa 18 ikipe ya Liverpool yari ibonye amahirwe yo gutsinda igitego ku makosa Robert Sanchez yarakoze yihera umupira Cody Gakpo gusa birangira yongeye kwusubira aratabara.

Ku munota wa 27 Liverpool yabonye penaliti ku ikosa Tosin Adrabioyo yarakoreye Curtis Jones ari mu rubuga rw'amahina maze iterwa na Mohamed Salah ayitereka mu nshundura.

Nyuma yo gutsindwa ikipe ya Chelsea yagerageje gushaka uko yakwishyura ndetse abakinnyi bayo nka Nicolas Jackson bakabona amahirwe imbere y'izamu ariko nta yabyaze umusaruro.

Mbere y'uko igice cya mbere kirangira Liverpool yaribonye indi penaliti ku ikosa umunyezamu wa Chelsea yarakoreye Curtis Jones ndetse umusifuzi yamaze kuyitabga gusa nyuma agiye kuri VAR ayikuraho .

Mu gice cya Kabiri ikipe ya ya Chelsea yaje ikora impinduka mu kibuga havamo Jadon Sancho hajyamo Pedro Neto. Bidatinze iyi kipe yambara Ubururu n'Umweru yahise ibona igitego cyo kwishyura ku munota wa 49 gitsinzwe na Nicolas Jackson ku mupira yarahawe na Moses Caicedo.

Ku munota wa 51 Curtis Jones yahise atsindira igitego cya 2 ikipe ya Liverpool ku mupira yari ahawe na Mohamed Salah ava muri ba myugariro aragenda awutereka mu nshundura.

Ikipe ya Chelsea yagerageje gushaka yakwishyura gusa abakinnyi ba Liverpool baba ibamba burundu.

Umukino warangiye Liverpool yegukanye itsinzi y'ibitego 2-1 ikomeza kuba ku mwanya wa mbere n'amanota 21 naho Chelsea yo ijya kumwanya wa Gatandatu n'amanota 14.

Curtis Jones wafashije Liverpool kwegukana intsinzi