Kamala Harris yamaze gukusanya Miliyari 1 y'Amadolari yo kumufasha mu bikorwa by'amatora, mu gihe Trump bahanganye amaze gukusanya Miliyoni 430 z'Amadolari.
Kuva mu mpera za Nyakanga 2024 ubwo Perezida Biden yahagarika kwiyamamaza yahise asimburwa na Visi Perezida Kamala babana mu ishyaka rimwe ry'Abademokarate.
Yakiriwe neza ndetse anashyigikirwa na benshi aho byavuye mu magambo bikagera no mu bikorwa aho bagiye bamushyigikira mu buryo bw'amafaranga. Yaba abo mu ishyaka rye n'abandi babashije kumutera inkunga.
Mu byamamare bizwi byamuteye inkunga harimo umuherwekazi Melinda Gates wamuhaye Miliyoni 50 z'Amadolari. CNN yatangeje ko ibiro bishinzwe kwamamaza Kamala Harris byemeje amaze kuzuza Miliyari 1 y'Amadolari y'inkunga bakiriye kuva muri Nyakanga.
CNN yakomeje ivuga ko iyi ari intambwe ikomeye Kamala Harris ateye kuri Donald Trump kuko we ibiro bye byatangaje ko bimaze kwakira inkunga y'abarepubulikani ingana na Miliyoni 430 z'Amadolari.
Ibi ariko ngo ntacyo bihindura cyane kuzatsinda amatora akaba Perezida wa USA, kuko ngo aya mafaranga ntabwo ariyo azatuma Kamala atorwa uretse ko azamufasha mu bikorwa byo kwiyamamaza bibura igihe gito bikarangira.
Kamala yeretse igihandure Trump mu bijyanye no gukusanya inkunga, aho amaze gukusanya Miliyari 1 z'Amadolari, mu gihe Trump amaze gukusanya Miliyoni 430 z'Amadolari.
Eng
RSS 
TANGA IGITECYEREZO