Umutoza w'u Bufaransa yatunguwe n'imyitwarire ya Kylian Mbappé

Ku wa Gatandatu w'icyumweru gishize tariki ya 7 Ukwakira 2024 Saa Tatu z'ijoro nibwo ikipe ya Real Madrid yari yakiriye Villa Real  inayitsinda ibitego 2-0 mu mukino wo ku munsi wa 9 wa shampiyona y'icyiciro cya mbere muri Espagne.

Kuri uyu mukino, Kylian Mbappé yari mu bakinnyi 11 babanjemo nubwo yaje gusimburwa na Rodrigo ku munota wa 71. 

Ibi byabaye nyuma y'uko uyu mukinnyi yari yakinnye n'umukino iyi kipe yatsinzwemo na Lille muri UEFA Champions Ligue aho yari yinjiye mu kibuga asimbuye.

Nyamara umutoza w'ikipe y'igihugu y'u Bufaransa, Didier Deschamps yanze guhamagara Kylian Mbappé ngo azamwifashishe mu mikino ya UEFA Nations League bitewe nuko yari azi ko afite ikibazo cy'imvune yagiriye ku mukino Real Madrid yatsinzemo Alaves bikanatuma asiba umukino na Atletico Madrid gikomeye.

Ubwo uyu mutoza bamubazaga impamvu atumuhamagaye yavuze ko we n'uyu mukinnyi bagiranye ikiganiro akamubwira ko afite kibazo cy'imvune idakomeye cyane bityo ko ariyo mpamvu yanze kumushyira mu bibazo amuhanagara.

Kuri ubu nk'uko ibinyamakuru bitandukanye birimo L'Equipe na The Mirror byabitangaje kuba Kylian Mbappé yarakinnye iyi mikino byatunguye Didier Deschamps ndetse biranamubabaza bijyanye n'iyi myitwarire yo gutangira kudaha agaciro ikipe y'igihugu.

Ikipe y'igihugu y'u Bufaransa izakina n'ikipe y'igihugu y'u Bubiligi ndetse n'iya Israel mu mikino ya UEFA Nations League.

Didier Deschamps utishimiye uburyo Kylian Mbappé yamubwiye ko afite ikibazo cy'imvune none akaba arimo arakinira Real Madrid 

Kylian Mbappé utarahahamagawe mu ikipe y'Igihugu y'u Bufaransa avuga ko yavunitse none akaba arimo arakinira Real Madrid