Alice Walton, umugore wa mbere ukize cyane muri Amerika yitanze Miliyoni 249$ yo kubaka ishuri

Alice Walton umukobwa w'umuherwe Sam Walton wari umucuruzi ukomeye muri Amerika, niwe mugore wa kabiri ukize cyane ku Isi mu 2024 n'umutungo wa Miliyari 91.7 z'Amadolari [ararenga Miliyari 337 Frw].

Uretse kuba ari n'umuherwe, niwe wibitseho agahigo ko kuba umuntu wa 26 ku Isi umaze kwitanga amafaranga menshi mu bikorwa by'ubugiraneza kuko kuva mu 2005 kugeza ubu amaze kwitanga Miliyari 1.5 z'Amadolari mu bikorwa bitamufitiye inyungu byo gufasha abandi.

Kugeza ubu yongeye gutungurana yitanga Miliyoni 249 z'Amadolari ari gufasha mu kubaka ikigo cy'amashuri cyigisha ubuganga. Iki kigo ari kucyubaka mu gace yavukiyemo ka Bentoville muri Leta ya Arkansas muri Amerika. 

Iki kigo bazacyita 'Alice L.Walton School of Medecine' nk'uko yabitangarije Forbes Magazine, ndetse ko muri Mutarama ya 2025 iri shuri rizatangira kwigisha hatagize igihinduka. 

Ibi Alice Walton w'imyaka 74 y'amavuko abikoze mu gihe mu 2023 yari yateye inkunga inzu ndangamurage y'ubugeni Miliyoni 45 z'Amadolari, yitwa Museum Of American Arts iherereye i Chicago. Ibi byahise bimugira umuntu wa 30 witanze amafaranga menshi muri Amerika, akurikiye Amos Hostetter.

Alice Walton yitanze Miliyoni 249 z'Amadolari yo kubaka ikigo cy'amashuri 

Madame Walton ni we mugore wa Kabiri ukize cyane ku Isi n'umutungo wa Miliyari 91.7 z'Amadolari