Kugwa kwa Liverpool, ibitego 23: Ibyaranze umunsi wa Kane wa Shampiyona y'u Bwongereza

Ku wa Gatandatu, nibwo imikino ya shampiyona y'u Bwongereza English Premier League yakomezaga, Manchester United itangira itsinda Southampton ibitego 3-0. 

Mu yindi mikino yakinwe ku munsi wa Kane wa English Premier League, Arsenal yatsinze Tottenham Hotspur 1-0,  Newcastle United yatsinze Volves 2-1, Brighton and Hove Alibions yaguye miswi na Ipswich Toun ubusa ku busa, Crystal Palace yaguye miswi na Leicester City 2-2, Fulham yaguye miswi na Fulham 1-1, Liverpool yatsinzwe na Nottingham Forest 1-0, Manchester City yatsinze Brentford 2-1,  Aston Villa yatsinze Everton 3-2, Chelsea itsinda Bournemouth 1-0. 

Umunsi wa Kane wa Shampiyona y'u Bwongereza, English Premier League, wasize abakinnyi bari barabuze icyizere bagahindura amakipe ku munsi wa nyuma w'isoko ry'igura n'igurisha, bongeye kucyigarurira, kubera ko bongeye kubona umwanya wo gukina. 

Jadon Sancho wavuye muri Manchester United agatizwa Muri Chelsea, yakinnye umukino Chelsea yatsinzemo Bournemouth, ndetse atanga umupira wavuyemo igitego cyatumye Chelsea ibona intsinzi, ni umupira yahaye Nkunku watsindiye Chelsea. 

Umwongereza Raheem Sterling wavuye muri Chelsea akajya muri Arsenal, nawe yabonye umwanya wo gusubira mu kibuga, kuko umukino wahuzaga Tottenham Hotspur na Arsenal, ubwo wari ugeze ku munota wa 80, yinjiye mu kibuga asimbuye Gabriel Martinelli. 

Umunsi wa Kane wa Shampiyona y'u Bwongereza, English Premier League kandi warangiye Jack Stephens wa Southampton abonye ikarita itukura ubwo bakinaga na Manchester United. 

Uretse ikarita imwe itukura yagaragaje mu munsi wa Kane wa Shampiyona y'u Bwongereza, English Premier League, wagaragayemo amakarita y'umuhondo 69. Ku ruhande rwa Brighton habonetse  imihondo 4, Ipswich Toun 3, Manchester United 4, Southampton 2, Leicester City 3, Fulham 3, West Ham United 3, Liverpool 4, Tottenham 5, Arsenal 3, Nottingham Forest 4,  Brentford 1, Manchester City 3, Aston Villa 2, Everton 4, Chelsea 9, Bournemouth 6, Newcastle 3, Wolves 3.

Rutahizamu wa Manchester City, Erling Haaland, umunsi wa Kane wa English Premier League, usize yongeye kwerekana ko azaba rutahizamu uzatsinda ibitego byinshi muri uyu mwaka w'imikino naramuka atagize ikimwitambika. Mu mikino ine Erling Haaland yakiniye Manchester City muri iyi Shampiyona ya 2024-25, amaze gutsinda ibitego 9. 

Umutoza wa Liverpool Arne Slot umunsi wa Kane, usize yeretse abakunzi bayo ko ataragera ku rwego rwa Jurgen Klopp. Ni Liverpool yongeye gutsindirwa mu rugo, itsindwa n'ikipe nto ya Nottingham Forest igitego 1-0. 

Umunsi wa Kane wa Shampiyona y'u Bwongereza English Premier League 2024-25, usize amakipe ataratsindwa umukino n'umwe ari Manchester City, Arsenal, Newcastle United na Brighton and Hove Alibions. 

Kugeza ubu Manchester City ni iya mbere n'amanota 12, Arsenal ya Kabiri ifite amanota 10, Newcastle United ya Gatatu ifite amanota 10, Liverpool ifite amanota 9,  Aston Villa ifite amanota 9. 

Amakipe akunzwe na benshi nka Chelsea, iri ku mwanya wa 8 ifite amanota 7, Manchester United ya 10 ifite amanota 6. 

Umunsi wa Kane usize Southampton, Wolves na Everton ari amakipe ari mu murongo utukura, bica amarenga ko azamanuka mu cyiciro cya Kabiri.

Manchester City yatsinze umukino wa Kane wikurikiranya 

Erling Haaland amaze gutsinda ibitego 9 mu mikino ine 

Manchester United yongeye kubona amanota atatu imbere ya Southampton